حکمتلی سوزلر

حکمتلی سوزلر

محمد علی حکمتی
حکمتلی سوزلر

حکمتلی سوزلر

محمد علی حکمتی

جانیمه باخ

جانیمه باخ



نواولار بیر دفعه جانان اودلانان جانیمه باخ


عشقئون دردینه خاطیر کول اولان جانیمه باخ


من سنه عاشق اولوب عشقیمی اعلان ائدیرم


قیلماسون عشقیمه چاره اوخلالان جانیمه باخ


باتماسین عشق یولیندا قانا جانان بوجانیم


یوخ دمه گوللری سولمیش سارالان جانیمه باخ


اتئگونن داشی آت سالما منی درد و غمه


ائت مه دیوانه منی سن قارالان جانیمه باخ


ایستسون من دیلئنیم بلکه منه رحم ائدسن


سنون عشقونده قوجالمش تالانان جانیمه باخ


سن اولوبسان منه یوسف من زلیخا گوزلیم


سان کی اودلانمش اورک ده ساوالان جانیمه باخ


روحیمین در به چه سیندن باخاراق بیر گجه گل


ورسین حکمت سنه پای سن قوجالان جانیمه باخ

منه باخ

منه باخ



من اولوم گوزلروئون گیزلی فداسی منه باخ

آوارا روحومون ایستکلی صفاسی منه باخ


بیر باخیشنان بو یانان عشقیمی آرام ائله سن


اول گینان خسته جانین مهری وفاسی منه باخ


گوزلرون اینجیسه جانان باخیشینان ده منه


اولارام خسته گوزون آغی قاراسی منه باخ


نقدر من باخاجام یولارا جانان گلسن


اولام او گوزلرئون آب طلاسی منه باخ


هر باخیشنان منه دریای غمی دیکته ائلمه


باخیشون دردیمه مرحم شفاسی منه باخ


بیز قوجالدیغجا اولیر دورت گوز آلا گوزلریمیز


گون کچیر آرزو قالیر نازلی قاداسی منه باخ


قوجالیب وئرملییوک گوزلری الدن جانان

حکمت ین عمرینین ایستکلی بلاسی منه باخ

منده بیری طنز

منده بیری
تضمین

چوخلاری شهره خیانت الییر منده بیری


آج آدینان توخا خدمت الییر منده بیری 


جعلی اسنادلا تیکیراوچ طبقه ساختمانی


(هامی شوغلوندا سیاست الییر منده بیری)


بیری گمریکده ساتیر آبریمیزی بیرماناتا


چوخی روشوت له زیارت الییر منده بیری


به له انسان تانیرام ایلده بیدف ات یمییر


حاجی وار احسانی غارت الییر منده بیری


حاجی وارقارداشی قارداشدان ائدیرقاننی پیچاق


سونرا قارداشلارا حرمت الییر منده بیری


گوریرم فوتبال اوشاغلاری چکیرلر قلیان


(چوخلاری ترسه هدایت الییر منده بیری)


ناخلف دوست اوشاغی دعوت ائدیر سیگاره


چوخ اوشاغ سیگارا عادت الییر منده بیری


دستمازآلماغی بیلمیر صف اول ده دوروب


أییلیب قالخیب عبادت الییر منده بیری


اولماسا دستمازون نیت پاکون قارداش


اهل روشوت ده تلاوت الییر منده بیری


قطارین بینیزی ایلیشدی نمینین داغلارینا


منطقه آزادی دعوت الییر منده بیری


گوزل اولاد بوئیدن انسانا احسن حکمت


چوخ آدام دین له تجارت الییر منده بیری



نچه ایلدیر کی سوریلار گمریکی مثله زلی

قورخاسان دونسین آراز اردبیله محمدعلی



تضمین

تواد مبارک م

 اون دوققیزیمجی ایله قدم قوییشون مبارک (آد گونون مبارک) M



عوموردن اسگیلیر غملر آرتیر 


هر گونکی سحری آخشام ائدیریک

 

اوقدر یاشاماغ چتین دی بیزه 


ایل باشا چاتماسین بایرام ائدیریک


 

گولده سن سیز تیکاندی گوزلریمه


 یاخچی لاردا یامان دی گوزلریمه


 

لحظه لر اوتوشوب ایل لری آشیر


داغ لار اوجالماییر انسان قوجالیر 


بیرینین آرخاسی وورولور یئره


بیری سی بوی آتیب داغ تک اوجالیر



 آرزیمین یوردو سوگیمین یوواسی


سن گئدن دن تالاندی گوزلریمه  



بابا وای کلمه سین دیئنیم سنسن


دنیادا حالیما یانانیم سنسن


بیرینجی اوشاغیم جیاریم سنسن


گونش تک پارلیان اولدوزیم سنسن



بیرینجی آتانی سن دئدون منه


دونیانئن سئوینجین بخش ائتدون منه


 

همیشه هر گونون شاد اولسین بالا

هر ایل، ایل دونومون یاد اولسین بالا
1394/5/18

پارکیمیز

پارکیمیز



مردوم بئله باش لییب پارکیمیز ویران اولار

او چیروغان پارکیمیز قاراندیق زندان اولار

گیرده کان آغاجینا هر چاتان بیر داش آتیر

توکیلیر کال گیرده کان چوخ چکمز تالان اولار

اوتیراجاغ سکی لر سئوکیلیر غارت اولییر

قایدینا قالماسوغ بیز اورانمش بستان اولار

ورزشی امکاناتی اوشاق اویون جاغلاری

سوکیب داشین دمیرین آپاران نادان اولار

بئله گئت سه آ حکمت پارکیمیز جنگل اولار

جاناوارلار ساز چالار چاقالار سلطان اولار

هر مسافر گلنده تاسف ادیب دییر؟

انسان لار اولا اولا چاقالدان میزبان اولار؟

بلی آدام لار پارکی سیندیردیلار قیردیلار

ایندی کی صاحیب سیزدی تولکیلر مهمان اولار

اوزیمی آیرمیرام منده بیله سوارلیام

بو شهرین دردین یازسون تیکانی دیوان اولار

چراغلاری چکیلیر پارکیمیز آباد اولییر

بیزلئر تمیز ساخلاسوغ گردیشگر مهمان اولار