بیر له که

بیر له که

چوخ زاماندی اورییمده بیر له که

سایلماز دردیمه اولوبدی چورتگه

هی سالییر یادیما آجی گونلری

ایستییر قلبیمده بیر مزار چه که

دالغا تک دردلری ویریر قیراغا

داغلارین دوشونده دومان اکمه گه

عمریمین باهارین سالییر یادیما

اوره گیم یاس توتور یوخوم سک سه گه

قاشی دوگونله ده آلین قیریشا

افسوسلار گولونو  شعریمه  اکه

آغاج تک ساچلاری قلبیمده بیتیب

بار وئرمیر آز قالیر یارپاغین توکه

عشقیمی ساحیلدن دنیزه چکیب

سیندیرا قلبیمی تا باتا لوتگه

حکمت یانیب آلیشما بو محنته

اوره گین.حاققدی بو دردی چه که

بش گونلیک دونیادا آلیش بو درده

لاپ بئله گوپ گوپون توشسه تک ته که

                                                                                                                           هجا 11 .غزل  محمد علی حکمتی

غزل غمدی

یارب بو نه دونیادی کی هر لانه سی غمدی؟.

مسجد لری غمدی در میخانه سی غمدی؟

.یازدیم موغانین عشقینه من دردیم آزالسین.

.دردیم چوخالیب حکمتی کاشانه سی غمدی

نادان دیلینه شاعیر اینانماز من ایناندیم.

یاندیردی زامان قلبیمی هر خانه سی غمدی..

عمروم بویو گزدیم موغانین دردینه درمان.

.درمان گئتیرن یوخ در و دروازه سی غمدی

بیر غملی باخیشنان سینمه اود قالادون سن

سینمده چالان قلبیمین آوازه سی غمدی.

.اودلاندیم اوره گدن سنه باخدیقجا عزیزیم..

حیس ائتدی گوزوم گوزلرینین قاره سی غمدی

قطعه لر و روباعی لر

بیرگون گئلر منه ده آغلاشالار..

حکمت اولوب دئیب پیچلداشالار.

.باش ساغلیغین  بالامنان پایلاشالار.

بو دونیانین اعتبارین گورجه گین /دوستلار افسوس دئیب

 قوجاغلاشالار.