حکمتلی سوزلر
محمد علی حکمتی
حکمتلی سوزلر
محمد علی حکمتیمحمد علی حکمتی
فرزند مغان علاقمند به وطن عاشق ایران((((ظلمه تسلیم اولمیانلار عشقه تسلیم اولدولار///جان بله عزتدی بیر تسلیمه قوربان کربلا )))حکمت
ادامه...
آنا دیلی
آز قالیبدی ایته آنا دیلیمیز
یامان گونه سالیب بیزی اینگیلیس
پول غئیرتی مینیب گئزیر بازاردا
آنا دیلین اوتوزوبدو قوماردا
اینگیلیسی سئویر بیزیم نیگاردا
آز قالیبدی ایته آنا دیلیمیز
یامان گونه سالیب بیزی اینگیلیس
قود بای بای بای دییر آغساققالیمیز
سئلم یئییر آغیللی باققالیمیز
چوخالیب دی شه هرده چاققالیمیز
آز قالیبدی ایته آنا دیلیمیز
یامان گونه سالیب بیزی اینگیلیس
سووزون سونوندا سولئمه سن اوکی!!!!!
خدا حافیظ دی سووزوموزون سونو هی!!!!
اوز دیلیونده دانیش دئمه مگه کی!!!!
آز قالیبدی ایته آنا دیلیمیز
یامان گونه سالیب بیزی اینگیلیس
هئله لیک گووده لیب اولوب خیردا بای
طوی لاردا چوخالیب بیگانه قود بای
دییرم آی حکمت سنده ده بای بای
آز قالیبدی ایته آنا دیلیمیز
یامان گونه سالیب بیزی اینگیلیس
شعر ترجیع بند؛ محمد علی حکمتی بیله سوار
اوزگه نین دیلینده یازاندا شاعیر
اله بیل قانیندا قاریشقا گئزیر
تقدیم به همشهریان محترم
هارانین شاعیری یم؟
کیم بیلیر هاردادی روحوم ،هارانین شاعیری یم؟
من اوره کلرده کی یانقین، یارانین شاعیری یم
آیاغیم یئرده دیر آنجاق ،باخیشیم اولدوز اکیر
هارانین باغلیسییام ،گور هارانین شاعیری یم؟
مین موغان خان چوبانین، دردی داغیلمیش سینه مه
مین آراز واردی گوزومده ،سارانین شاعیری یم
گئجه نین یازدیم آدین، رنگی بوغولدو کاغاذین
اوزوم آغدیرکی بو بختی، قارانین شاعیری یم
دوزلودا اولسا سسیم ،بیر پاراباخمیرسوزومه
دادلی دا اولسا سوزوم ،بیر پارانین شاعیری یم
قوی من عنوانیمی ایفشا الئییم، بیله سوار ؟
حکمت ام، انجومن آدلی، اوجاغین شاعیری یم
قوجالیرام
قوجالیرام
گوینمه بو قه در اؤزونه اوره ک،
داحا قوجالیرام من یاواش،یاواش،
اللریم تیتره ییر، بوکولور بئلیم،
آلیر گؤزلریمی چن یاواش،یاواش.
بیزه یاخینلاشیر،قوجالیق اؤلوم،
یامان قریبسه ییر چیچکلی چؤلوم،
تئللریم دای اولوب باخ بؤلوم بؤلوم،
دوشور ساچلاریما دن یاواش یاواش.
یارییا بیلمیرم نه شره، خئیره،
داحا چیخانمیرام داغلاری سئیره،
یازدغیم کده ردی، قمدی باخ شعئره
چکیلیر باشیمدان شن یاواش یاواش،
جوانلیق دورانین سالیرام یادا
دییرم یئتیشدی بلکه فریادا
گووزومون قاباغین توتور میرزاقا
گوزلریمنن آخیر یاش یاواش یاواش
واختدی کورلامیشام داش قاشا قارداش
دییه سن گوچورم دونیادان یولداش
اونود بو دونیانی سن حکمت داداش
اینان قوجالیغا سن یاواش، یاواش
خلوت
کاش اولا آللاهینان خلوت ائدم
اوز دیلیمده اونلان صحبت ائدم
دئییم آژدیق گئتیریب تنگه بیزی
کاش اولا آیری یئره هجرت ائدم
آج قارین دیژ قولاغیم من راضی
فقط آسوده بیر امنیت ائدم
اتورام بیر گئجه خلوت باردا
باعث اینسانلارا هی لعنت ائدم
یا کی رنگه بویانیم بوردا قالیم
گئجه گوندوز وطنه خدمت ائدم
لطف قیل یولا جناب عزراییلی
من اونا هر نه دئسه حورمت ائدم
پول واریم آیدا کالان قیخبش مین
برگ فوت چکمه منه ثروت ائدم