هاردادی حق

هاردادی حق


دولاجاق دولمایاجاق باردادی حق

من یالان دونیا یالان هاردادی حق


 نئچه گون دونیایه مهمان قالاجام      

تالانان جیسمه سولیمان قالاجام   

بو یالان دونیادا سولطان قالاجام

بیله سن بیلمییه سن داردادی حق

من یالان دونیا یالان هاردادی حق 


نه قدر آغلایاجاق کونلوم آخی  
 
چکه جک هر گئجه تصویره ماهی

یازاجاق دفدره هی دردی آهی

دولاجاق دولمایاجاق باردادی حق

من یالان دونیا یالان هاردادی حق 


بیر سینیخ ساز گوتوروب سیزلاتسام 

بیر قورو چاتلی دوداق ایسلاتسام 

بیر یانان حاقی تاپیپ دوغرولتسام  

سئوجک سئومییه جک یاردادی حق

من یالان دونیا یالان هاردادی حق 
   

گون به گون درد چوخالییر درمان یوخ  

حاجیلار حئجه دونور مهمان یوخ

 آنالار دوغدو اوغول قوربان یوخ  

 بیله سن بیلمییه سن واردادی حق

 من یالان دونیا یالان هاردادی حق

باشیمسان

باشیمسان


باشیم جاننان سنه شیکایتیم وار

جانیمی اودلارا آتان باشیمسان

مئصلئحت سیز یولار سئچدون جانیما

دردی دردلریمه قاتان باشیمسان

بیلیردون بو ایشی جانیم گوره نمئز

مال دولته جانی ساتان باشیمسان

چوولون زورنان سودان چیخاردان جانا

بیله بیله آغیر چاتان باشیمسان

دونیانین ان ایرنج  مالینا خاطیر  

اوزونو اوزگه نی ساتان باشیمسان

اوزون زورنان دولاندیران؛ حکمته :

تیکان اولوب گونده باتان باشیمسان

قطعه

بیرگون گئلیر بیر گون گئدیر

هئچ سوروشان یوخدو هارا

اوغرو گئلیر دوغرو گئدیر

سرحدلری یارا یارا 

باخمیللار هئچ آه و زارا

چاتان چالیر چوخلی پارا

قاچا قاچ رسم اولوب یارا

اوره گلره  باخیشلارا 

تیکدون گوزدیک آدی قارا

حکمت درده یوخدو چارا..

بیتشمز اولوبدو یارا 

درد خوللانیب بوداغلارا .

یازما یازما آغا قارا

چاپا چاپدی چوخلی پارا