یاحسین
شهریمی یادان چیخاردان یاده سال
سالمادون یاده شیکایت ایله دیم
دردیمی یازدیم حسینه یولادیم
یوللادی پرچم زیارت ایله دیم
گوردو شهرین دردینی پرچم بوگون
بیلدی یوخدی شهریمه مرحم بوگون
آند اولا زهرایه من. ایران نانام
پایتخدیم دینیدی. قران نانام ۰
من علی اولادییم جانان نانام
زر خیز اوستانیم، آذربایجان نانام
شهر تاریخم آدیم ،بیله سوار
یوخدو اوستاندا منه بیر حامی یار
من قریبم ،شهریمه گلمیش قریب
یاحسین، سن اول بیزه حامی حبیب
حکمتین ،دردی وطن. عشقی وطن
عشق، شهره گئیدیریبدی. آغ کفن
یاحسین ،چاتدی الیم پرچئمینه
لوطف قیل .چاتسین الیم مرقدینه

شعر از محمد علی حکمتی بیله سوار 

اورگدن آغلاییرام هدفسیز آغلاشانا.
یانیر وجودیله روحیم یالانچی گوز یاشینا.

تقدیم به شهدای حرم

بیز هله اولمه میشوگ قافیله یالقیز قالسین))
بیز هله اولمه میشوگ زینب آدامسیز قالسبن)

حرمه یاغی اگر قویسا قدم وای بیزه))
ناخلف لر الینه دوشسه حرم وای بیزه))

جانمیزدان کئچروگ مکتئب یمیزدن هیهات))
بیز دفاع ایله میک زینب یمیزدن هیهات))

کربلا شام و نجف کویه مینادیر بیز ایچون))
زینئب ینده حرمی کربوبلادیر بیز ایچون))

استقبال از شعر بالا☝☝

آند اولا. حضرت عباسین. اوزوقوللارینا
شهدای حرمین  گئتدیگی دوز  یولارینا
 
تا واروق کیمسه سیزون سئمتوزه چپ باخمیاجاق
وئره جوک بیز جانی قوربان اله موز یاتمییاجاق

حره مه چپ باخانین گوزلری اوخلانمالیدی
کیم سیزه بیر داش آتا قوللاری دوغرانمالیدی

کربلا شامه بوگون چپ باخانی خار اولسون
شییه اولادی بوگون شامه گره ک یار اولسون
شعر حکمت

اوغلوم

                    اوغولوما نصیحت
گز دولان دونیانی اوغلوم گردیشه دورانه باخ
فکر ائدیب سن تزقوجالما قبرو قبریستانه باخ

یاغلی یئه یاکی یاوان عومری شرفله وور باشا
آل گینان سن دستمازین قیل ناماز قرانه باخ

روز و شب علمیله چیرپیش مختصر علم آل اله
هرزه یولدا خشلئمه مرد اول اوغول مردانه باخ

عشقیله دونیایه باخ مهرو مئحبت سن قازان
ایسته آللاهدان سعادت دین وئرن فرمانه باخ
 
توت گینان یوخسول الیندن ایله سن اینسانیت
حامی حق اول اوغول عشقیله سن جانانه باخ

 سعی  ایله  دونیاده  آللانما  اینانما  هر  کیمه 
عشقیله  دونیانی  گز  روز و شبه  بیگانه  باخ

حکمتین سندن سورا یوخدو بو دونیاده کسی
سن اونودما قبریمی هردن بی گورستانه باخ

شعر از محمد علی حکمتی

گودورم

گودورم 

درد ییغیشیب سینمه ولکان تکی

هاچان جوشوب داشاجاقین گودورم

خییال آتین مینیب چاپاجاق کونول

آرزولارا چاتاجاقین گودورم

بیر عومورون دردی غمی سینمدن

باش گوتوروب قاچاجاقین گودورم

درد بولود تک سینمده چاقیشاجاق

ایلدیریم تک شاخاجاقین گودورم

دونوب سئله چشمه لری گوللری

دنیزلره قاتاجاقین گودورم 

کئدرلرین کینه لرین گئمیسی

دریالاردا باتاجاقین گودورم

وطنیمه کج باخان قولدورلارین

زامان باشین آساجاقین گودورم

شرافتلی اینسانلاری گول تکین

خونچالانیب آچاجاقین گودورم

محبتین صداقتین کاروانی

سرحدلری آشاجاقین گودورم

بالدان شیرین آنا دیلین دونیایا

شه هر شه هر یایاجاقین گودورم

اوغرو سوار دوزلر پیاده قالیب

دوزلر آتین چاپاجاقین گودورم

حکمت دونیا یار اولمادی مظلوما

بو دونیانین باتاجاقین گودورم.