X
تبلیغات
رایتل

گودورم 


درد ییغیشیب سینمه ولکان تکی

هاچان جوشوب داشاجاقین گودورم

خییال آتین مینیب چاپاجاق کونول

آرزولارا چاتاجاقین گودورم

بیر عومورون دردی غمی سینمدن

باش گوتوروب قاچاجاقین گودورم

درد بولود تک سینمده چاقیشاجاق

ایلدیریم تک شاخاجاقین گودورم

دونوب سئله چشمه لری گوللری

دنیزلره قاتاجاقین گودورم 

کئدرلرین کینه لرین گئمیسی

دریالاردا باتاجاقین گودورم

وطنیمه کج باخان قولدورلارین

زامان باشین آساجاقین گودورم

شرافتلی اینسانلاری گول تکین

خونچالانیب آچاجاقین گودورم

محبتین صداقتین کاروانی

سرحدلری آشاجاقین گودورم

بالدان شیرین آنا دیلین دونیایا

شه هر شه هر یایاجاقین گودورم

اوغرو سوار دوزلر پیاده قالیب

دوزلر آتین چاپاجاقین گودورم

حکمت دونیا یار اولمادی مظلوما

بو دونیانین باتاجاقین گودورم.


نظرات (0)
امکان ثبت نظر جدید برای این مطلب وجود ندارد.