خدا حافظ بختیار

یاسا باتیب آزربایجان.ائل.دییار
هارداسان هارداسان شاعیر بختیار

قوشولدون سن شهرییارا بختیار
ائلین گوزو آغلار قالار مین باهار
شاعیره آرخایدین شعیره ووقار
 
اونودماز موغانیم سنی بختیار
یاسا باتیب آزربایجان .ائل .دییار

موغان اوغلو ترک ائله دین دونیانی
گئدیشینله آغلار قویدون موغانی
گئیدی آزربایجان بوگون قارانی

اونودماز اوستانیم سنی بختیار
یاسا باتیب آزربایجان. ائل .دییار

آراز قان آغلادی بالهارود کوسدو
دالغالار کوُلکلَر دنیزی سوکدو
حکمتین بئلینی اوُلومون بوکدو

اونودماز ایرانیم سنی بختیار
یاسا باتیب آزربایجان. ائل. دییار

#محمد علی حکمتی بیله سوار
۹۵/۹/۲۴

شاعیر دئییرلر شعری یازاندا
یاز گوله بولبوله باغلارا شاعیر
زمانین کول کوسون قودوز قوزقونون
سن اوخشاد قارتالی داغلارا شاعیر.
H
یوخسوللار گوزوندن دامان دامجینی
یئتیم لر چکدیگی آغیر سانجینی
قارداشا یاد اولان دوغما باجینی
من نئجه اوخشادیم قارانی آغا.
H
داغلارین باشیندا قارا قارغا چوخ
یاماجیندا آیی جیران کئچی یوخ
اته گینده تولکولرین قارنی توخ
من نئجه اوخشادیم تئپه نی داغا.
H
گویین یئدی قاتین آه لار دله جک
هارایا هارایچی بیر گون گله جک
ناحاق گوز یاشینی گومان سیله جک
من نئجه اوخشادیم خسته نی ساغ.
H
جاوانلار آری دی تیرییاکدا پئتک
قیردی جاوانلاری آنفیلانزا تک
آغاجی ایچیندن قورد یئییر دئمک
من نئجه اوخشادیم زه هری یاغا.
H
ذکاتدان خمسیدان حاجی اکیلیر
اوُلویه آیریدان اوتاق تیکیلیر
حکمتین شعرینه کفن بیچیلیر
من نئجه اوخشادیم آرخی بولاغا.
H
#✍محمد علی حکمتی

تقدیم به فرزندانم

 قیزیم زمانه قاتیبدی قاریشدیریب باشیمی

ایتیب اوزومده جوانلیق آغاردمیشام قاشیمی

نه سالگرد نه ده یادداش نه آروادیم نه یاشیم

چیخیب دی دونیا یادیمنان اونودمیشام یاشیمی

یوروب بو دونیا منی سیزیلداییر سومیگیم

بی دلدا یئر گزیر حکمت توکه گوزون یاشینی

بو دونیادا منیم عشقیم اوشاقلاریمدی فلک

بالا داغی منه وئرما داغید عومیر آشیمی

من حکمتین اوره گینده بیر آرزو داردا قالیب

  چین ائت او آرزومو آلله دادیم بیراز تامینی

محد علی حکمتی

آلله هین آدیلان ......

اینسانلار اینسانین گوز یاشین سیلمیر
نییه سی نئجه سی منی چاشدیریر

قوجالار جاوانی عاغیللی بیلمیر
بو تدبیر حالیمی صاف قاریشدیریر

قوجالار کئچمیشی چکیرلر روخا
دئییرلر بولیدی کئچمیشده چورگ
احتیرام قویاردوق بیز یاشی چوخا
سیاست دول ایدی پاکیدی اورگ

آی ده ده دونیانین وله دی چاشیب
اینسانلار خلق ائدیر ساختا قار کولک
ساوادلار علمی لر کاساسی داشیب
بیلمیرم آغلایاق یا باخاق گولک

گونشی پارلادان گویو آغلادان
ظاهیرین بیز گورن آسیمان فلک
کایینات یارادان دونیا لاخلادان
خالیقدی خلق ائدن بیز بشر بیلک

اینتیظار حددیندن یوخاری آشیب
ایستیرک عمل سیز معجیزه گورک
حکمت لر باشینا اولوم داراشیب
بولوطلار آغلاشیر اینسانلار کوورگ

اینسانلار اینسانین گوز یاشین سیلمیر
نییه سی نئجه سی منی چاشدیریر

شعر ✍محمد علی حکمتی
پنجم آذر ماه نودو پنج
دول ایدی...ازدواج نکرده بود
بولوط ....ابرها راجابجا میکند

طنز
 آچار.
ص....یاعلی
  
مشدی حسن دورد ایلی ووردو باشا

آمما آچار سالمادی هئچ ساغ دوشا

یوخسول آجینان مله دی روزو شب

میللی پایی پایلادی بول سولدوشا

چوخلاری ریشخند ائله ییب گولدولر

چوخلو چوره گ توللادیلار یاد قوشا

سن کی گوله بولبوله یار اولمیسان

قویما بوگون خارلا گولون دوققوشا

بیز سنی رای له  ائله دیگ  شاه کلید

سن بیزی اوخشادما چیراغ خاموشا

احمدو محمودو حسن یاکی خان

فیکر ائلمه بیز هًویجیک خرگوشا

گرچی بوگون چوخدو بیزیم عندلیب

سسلری بنزیز چوخونون بایغوشا

چوخدا گوزل چایدی او ماحمید چای

قات اونو احمدله ایچیرد سولدوشا

نفته گازا چوخلی شهید وئرمیشیک

وئرمه شاباش کورلاما چوخ دست خوشا

قویما ظریف برجامی بر باد اولا

بش بیره دیوانه ترامپ باش قوشا

 گاز پولو تلفون پولو سو یا ایشیق

میللتی آغلاتدی حسن چوخ یاشا

آفرین اولسون بئله تدبیرینه

منده قوشولدم سیزه تب ایم جوشا

سن سوزو سوزگجله سوزوب صافلاسون

آب طلای لا یازیلار یادداشا ((فرگوشا))
 
بیزده هجین قالمادی دای مشد حسن

تکجه قالیب آرواد اوشاق قورخوشا

ایتیوپیلر چیخدی: آیا ؛مرریخه؛

بیزده اوغوللار ساپ آتیللار قاشا‌

قاضی پورون لحجه سینه قوربانام

فارسی یا آجیخامرادی تورک قات جوشا

بیر چپیش آل یالوار اونا حکمتی

بلکه وئره سوت توکه سن سوتداشا

یئرده بوخار لاندی باهار گلمه میش

بیزده بوخار هاردا چاتاق تای توشا 

شعر ✍محمد علی حکمتی
بیست ششم آبان ماه سال نودو پنج
میللی......ملی
سوزگج......پارچه ای برای تسویه شیر صاف کن
هجبن....یعنی..توان غیرت
چئپیش ....بز جوان شیرده
مرریخه.....مریخ
توققوشا....تصادف شاخ به شاخ
بیغوش.....جغد
خرگوشا....منظور.اوزون قولاغا
آجیخامرا...خمیر مایع
عندلیب...هزاردستان ...بلبل.....منظور صحبتهای
 رنگارنگ است..
فرگوشا...یعنی گوش شنوا