به نام خدا
 
بو غم نه غم دی  الیندن داماردا قان توتولوب
مین آرزی داردا قالیب دار قفسده جان توتولوب

نه دندی دردیمه درمان باغیندا خان توتولوب

"بو داغ باشیندا نه وار بیلمیرم یامان توتولوب""
"بو داغ باشیندا یئنه بیر تالا دومان توتولوب""

جانیمدا دردیمه یئر یوخ آشیب داشیر قیناما
سینیبدی گوزگو جمالیم سولوب چاشیر قیناما
کوچوب گئدیر جان ائویندن ایراهلاشیرقیناما

"نه یازدی..‌قولتوغونا گیرمه سئم آشیر قیناما""
"چینار چینار بالاسی هارداسا گومان توتولوب"

سارای بوغولدی  الهی آتیلدی  سئل لره گول
نه گلدی باغچامیزا کی وئریلدی یئل لره گول
بوغول سادا چای ایچینده توشوبدو دیل لره گول

"باهار توتولدو اونون الرینده بیر شئله گول""
"پاپیزدا-اوندان آخی بیر سبد سامان توتولوب""


هاچاندی ائلده چالینمیر آنا دیلین هاواسی
دوشوبدو قوربته چنلی گئدیک بئلین هاواسی
کولک اسنده وطن ده قوخور سئلین هاواسی
"یامان یاغیشلی دی بو باش ساری تئلین هاواسی""
"آه اولما ساز توتولوب ،اولمایا کامان توتولوب""

ندن الهی زامان کونلومو واراقلیب آه
 من حکمتین غزلی نادری سوراخلیب آه
باخون دوزوم زمی سین آیریلیق اوراخلیب اه
"بولاق باشیندا یئنه دیزلرین قوجاقلاییب آه""
"بو داغ باشیندا نه وار بیلمیرم یامان توتولوب""

اوستاد نادر الهی جنابلارینین بیر غزلینه تضمین  بو قفس ده اوچدو بلکه ... کتابینین ۵۲ینجی صفحه سی
یازان محمد علی حکمتی

شعر عیبرت 

 کندیمیزده دانا قالسایدی ناخیردان آخیرا

اول ناخیرچی دانانی همتای ائدردی قاتیرا

قاتیرین گورسه چاتیبدی  حیاتیندا  آخورا

یاقین آخساق دانا چاتمیش کاسیبا یا فاغیرا

محمد علی حکمتی

هشتم بهمن ۹۵

غملر داراشیب جانیمه داردیر منه دونیا

یارب نه معممادی دکی هاردیر منه دونیا

بیر گون منه بیر ایلدی بو دوران نه یه لازیم 

هر لحظه سی هر بیر آنی زاردیر منه دونیا

آچدیم اوره گین قاپ باجاسین دوست اوزو گولسین

چکدی داغی داغ اوسته کی کاردیر منه دونیا

دوست اولدو منه کهنه دئییرمان من اونا دن

دارتدی منی دنلر کیمی خاردیر منه دونیا

#محمد علی حکمتی

دهم بهمن ۹۵

داش اوره گ لیم

عومرون گونشی باتمادا دای گل داش اوره گ لیم
عاشیق دیره گی یاتمادا دای گل داش اوره گ لیم

عشقیدن  اوتور جانینی  مین  درده  سالان  جان
عشق عالمینی ساتمادا دای گل داش اوره گ لیم
 
گل گوزلریمین سون گوروشو گوزلرون اولسون
گوز قاپ باجا باغلاتمادا دای گل داش اوره گ لیم

دونیادن اوزوب ال اوره گیم تک سنی گوزلییر
گویلوم یئنه اویناتمادا دای گل داش اوره گ لیم

هیجران یئلی اسدیگجه کسیر باغریمی غملر
قلبیمده منی آتمادا دای گل داش اوره گ لیم

سیندیردیقین اول چاتلی دیرک دای جانا گلمیش
جانانینه جان قاتمادا دای گل داش اوره گ لیم

بیر اود قالایبسان جانیما شعله سی سئوگی
 سوگیم منی آلچاتمادا دای گل داش اوره گ لیم

گل قویما سونه سونسه من حکمت یاقین اوللم
جانیم دوداغا چاتمادا دای گل داش اوره گ لیم

چهارم بهمن ماه ۹۵
#محمد علی حکمتی