آللاهین آدیلان
                     قارداش
                                  عیبرت

بیر هفته لیک آت دونیا مالین، داش قاشی قارداش
بایرام یئتیشیب ،یوخلا قوهوم قارداشی قارداش

ایللردی یئییرسن بالی یاغنان، گءجه گوندوز
بئش گونده باجی قارداشا وئر، سوتلی آشی قارداش

عومرون چاپیر آت ،سن سه قالیب سان دالا گریان
یازدیر آدینا بیر گیرانت ،باش داشی قارداش

دونیادن هاممی گئتمه لیدی یوخ بونا چاره
بیر بیر داشیییر، آغ قارا خوشگیل چاشی قارداش

آهن ده گئدیر ،میس ده گئدیر، آلمینییوم دا
اَلماس اولاراق قال، سن اوزوگلر قاشی قارداش

غم غوصه دن آیریل اوزونه بیر آباد ائو تیک
آباد ائوین آخیرده اولور پاداشی قارداش

دونیا مالینا هر گءجه گوندوز باشی ایدین
چاپدی سنی ،پول خطرینه هر بیرناشی قارداش

شئعریمده یازاندا او قیریق قارداشی قارداش
آه چکدی قلم ،یازماغا او اوباشی قارداش

قارداشدا اولوب چینی ماشینلار تکی گاه گیر
ضبطین آچیسان ،سو چیله ،ییر آبپاشی قارداش

قارداش باجینین حورمتی گئتدی او زامان کی
پیل اولدو باجی قارداشا گوز اویناشی قارداش

ایللردی گوزوم یولدادی قارداش گلر ایندی
نه گلدی، نه اولدو، منه بیر سیرداشی قارداش
 
دعوت ائله منده چیخاریم ،قارنیمی یاسدان
معده م تانیسین ،بیر گءجه لیک بوز باشی قارداش

یارب نه معممادی کی، قارداش قارا داشدی
وئرمیر هاوایی قارداشا بیر چومچه آشی قارداش

گل قارداشیم اول، بیرده قوراق کورسو اوجاقی
قالدی قورو یاندیردی بو دووران، یاشی قارداش

حکمت! جیبینه پول قویورام ،داغلاری سئیر ائت
بلکه ،سنی توخداتدی او داغ خاشخاشی قارداش

نوردهم اسفند ۹۵
محمد علی حکمتی

قارغالانیر

نه زاماندی بوغازیمدا بی گیلی دالغالانیر

ساحیله چیخماغا ایللردی منه آرخالانیر

دئییر آرتمیش دنیزین تهلوکسی گئت مئلی ییک

اوسئبب دن کی بالیغلاردا دونوب  ناققالانیر 

گاه باخیر دونیایا گاهی منه صبر ایله دئییر

بوغازیمدا منه درد سیرغاسی اولوب سیرغالانیر

توکورم شعریمه شعریمده منه قاندال اولور

توکمورم بیر خورا خرچنگ اولاراق لوغالانیر

بو سئچیمده قالیب آواره منیم سوز قئلئمیم

آهی آه اوسته ییغیب دار بوغازیم خیلخالانیر

بیر گیلی مین گیلی اولموش جورئتیم بیرده قالبب

منه وئر بیر جورئت آلله اوره گیم پارچالانیر

گورورم حاققی دانیللار نئچه میلییون میلییارد

بیر چوره گ خطرینه ناموس دیکی هی خیردالانیر

هر کسین یوخ جورئتی تولکولره شیرلیگ ائده

گیلی یین ائتسه جورئت سوز قاپیسی تاخدالانیر

چوخ زامان دیرکی عدالت سوزون حئبس ایله میشم

کیم عدالت دئسه تابود ائوینه سالغالاتیر

قورخما شاعیر چاتیب عومرون باشا سن سالغالی اول

گیلی حکمت بوغازیندا ییغیشیب قارغالانیر

محمد علی حکمتی

پانزدهم اسفند ۹۵

              سهام عدالت 

عدالت سهامین یایان آدامین

قارا آچقیسی وار دوز گوره بیلمز

یوخسوللوق گورمئسه آجلیق دادماسا

داغ  دره آشسادا دُوز گوره بیلمز

حاققی ناحاق ائدن

 یاخچی عومور سورمز

سورسئده چاتسادا اللی آلتمیشا

آرخایین عومر ائدیب یوز گوره بیلمز

بارابار گورمئسه ائلین بالاسین

دئییش سه اوردک له قازین فالاسین

چالادیرسا میللته سازین هاواسین

میداندا سارا تک قیز گوره بیلمز

بالاسین بالامنان آربا گورمئسه

ائلین سوفره سینی بی رنگ سرمئسه

محببت باغین نان گولوش درمئسه

چوره گین کئسللر دوز گوره بیلمز

عدالت ائلچیسی حضرت علی دی

میللت گوزگوسیدی گوز تره زیدی

یئتیم لر گولوشو حقین سئسی دی

حکمت لر سهامین گوز گوره بیلمز

سیزدهم اسفند ۹۵

محمد علی حکمتی

دوغوم گونو  

ال آتیب چکدیم هالودان چوله پیسدیکلریمی

بیر بئبیر آتدیم هالودا اوله ایستکلریمی

اولمه دی دوردو ایاقه شیندی هی اوزومه

دئدی من بوشلامارام سن تکی سئودیکلریمی

مین کره رن اولدوره سن مین دفعه دونیایه گلم

چئتین آزاد ائلییم قلبیده کوسدیگلریمی

گل گئده ک قاضی دئسین کیم یاناجاق کیم قالاجاق

 دئدی بیلمز او آغیر گونده نه چکدیگلریمی

سن دئنن دردین ایچینده بیر عومیر یانمالییام

دئدی صبر ائت گوره جکسن سنه تیکدیگلریمی

اولورم دای نه یه لازیمدی آبادلیق دوستوم

دئدی بیر گون بیچه جکسن بورا سئپدیکلریمی

دئدیم حکمت بوغازینان بیر ایپ آس راحت اولوم

دئدی گوی خونچا گئتیرسین دّریم اکدیگلریمی

یازان محمد علی حکمتی

اسفندین بیر اینجی گونو 

دوغوم گونوم

۹۵/۱۲/۱

گولو گول درمئسه گول سولمالیدیر

گوللرین قایدینا گول قالمالیدیر

دونیانی هرزه تیکانلار بورویوب

بو تیکان ریشه سی داللانمالیدیر

بیری دونیایه ناحاخدان آتیلیب

بی خبر عشق اودونا یانمالیدیر

بیری ده نازی له نعمت له گلیب

دونیادان ایسته گینی آلمالیدیر

یوخسولون حاققینی ناحق ائدن ال

هر ایکی دونیادا اودلانمالیدیر

حکمت عشق اهلینه شعرینده دئییر

بامرام حاخ  یولو  یول لانمالیدیر

کیم بو دونیاده توتا یوخسول الین

آخیرت خانه سی نورلانمالیدیر

هشتم اسفند ۹۵