حکمتلی سوزلر
محمد علی حکمتی
حکمتلی سوزلر
محمد علی حکمتیمحمد علی حکمتی
فرزند مغان علاقمند به وطن عاشق ایران((((ظلمه تسلیم اولمیانلار عشقه تسلیم اولدولار///جان بله عزتدی بیر تسلیمه قوربان کربلا )))حکمت
ادامه...
طنز .او گولسون
او گولسون
طنز.....
دئسه. آرواد. چوره گ هانی محمَد
دئنن یوخدو پولوم یالوار او گولسون
دوگونله قاش قاباغی میثله رستم
دئنن آرواد مگر حال وار او گولسون
نهایت ائتمه گه آروادی راضی
دئنن به به گوزل خال وار او گولسون
فشارین ائنمه میش سویله نیگارم
سینیخ یخجالدا گور بال وار او گولسون
آی حکمت اینسانا لازیمدی گولمک
دئنن من ایت بوگون یال وار او گولسون
گینه گورسون باریشمیر سنله آرواد
دئنن آللام گوزل دول وار او گولسون
بو دونیاده نه قدر گول وار گئتیردیم
گوروم یار قلبینه یول وار او گولسون
هاچان گورسون یوخون گلدی بئله ده
گئتیر آرواد اگر چول وار او گولسون
دئسه ال آت کیشی بو فرشی چیرپاق
دئنن قاچ گئت مگر قول وار او گولسون
بی گون خفدن دئنن آرواد بیلیرسن
اوغورلوقدا کالان پول وار او گولسون
جنابه تیمسارین اوغلو اوباشدان
چالیب چاپدی نه قد مال وار او گولسون
بوگونلر تلگیرامدا چال ها چالدی
یالان دونیاده چوخ کال وار او گولسون
دونن گینسده گوردوم کی یازیبلار
موغاندا چال آشیغ چال وار او گولسون
ماشین تک ایشلیین حکمت دئیرکی
یورولدوم دای چیخیر شالوار او گولسون
تامام دونیانی گزسون چوخ یئرینده
آدام شکلینده چاققال وار او گولسون
نه آرواد گولدو نه شعریم قوتاردی
یاقین باخجامدا قان قال وار او گولسون
چاغیر گلسین منی بو حالدا گورسون
یانار قلبیمده تونقال وار او گولسون
طنز
#محمدعلی_حکمتی
بیست و هفتم تیرماه ۹۶
بیله سوار
جانیم محمد گوزوم محمد
سنسیز نئجه دوزوم محمد
اولین شعرم سربازی
نیگارا
نیگارا
اوره ک ده بیر یارا وار جان چیخار ساغالسا یارا
قان آغلاماز اوره گیمده او یار یار اولسا یارا
داها نه دردیم اولاردی یارین گوزویله گوزوم
گلیردی داغ یاماجیندا مارال تکی شیکارا
سهند ایله ساوالان تک اولوردوق ائللره داغ
کوره ک کوره ک دایاندا گلیردیک ائلده کارا
بلالی باشیم هاچاندی ایاق یالین باش آچیق
دوشوبدو چوللره آغلار گونوم اولوبدو قارا
پناه آپارمیشام ایللردی درده یاره گورا
او تاخجامیزدا قوجالمیش صدفلی نازلی تارا
اوره گده دردینی ایللردی سئودیگیم دیلبر
دئیییر کی قاچما، ازه لدن بو درده یوخدو چارا
اوزاق زاماندی دوزوبسن سه؟ ، بیر آزدا دوز حکمت
او دونیادا چاتاجاقسان او سئودیگین نیگارا
داها نه قالدی عومردن بو فانی دونیادا، ده
یالانچی عاشیقی چکسین چینار زمانه دارا
محمدعلی_حکمتی
تیر آیی نین اون سئگگیزی
دوخسان آلتی اینجی ایل
بیله سوار
ایتحاف به اوستاد پورامان
آللاهین آدیلان
بو شعر ایتحاف اولونور منیم اوستادیم شاعر صمد پورامان جنابلارینا
تورپاق اولسون آلتیم اوسدوم
گورونمه سین منیم توسدوم
بو دونیادان صمد کوسدوم
آلیشیب یاناندا اوره گ
دوستو تاپماق آسان دوستوم
هانی دوستو قانان دوستوم
صمد اولوب یانان دوستوم
آلیشیب یاناندا اوره گ
بو دونیا تورش آلچا تک دی
کالی یئتیشمیش لر اکدی
عاریف اینسان نه لر چکدی
آلیشیب یاناندا اوره گ
جمال قالان دئییل حکمت
کامالا چک چوخلو زحمت
قازان بو دونیادان رحمت
آلیشیب یاناندا اوره گ
محمدعلی_حکمتی
بیست و پنجم تیرماه ۹۶
آتئنا بالانین عشقینده
آجی اولوم
قارا یئللر خبر گئتدی آتئنادان ساوالان
موغان ائلی یاسا باتیب یئری گویی یارادان
گوزلریمیز یول چکیردی گلیب چیخار آتئنا
گوزو باغلی قولو باغلی ساخلاندیغی قالادان
گوزله میردیک قارا خبر اوره گلری داغلایا
شوبهه یوخدو بئله قاتیل دوغولماییب آنادان
بئله قاتیل جئنئوارین آدین قویموشوق اینسان
بئله اینسان هاردا واردی گوتور آللاه آرادان
یات راحات یات منیم بالام
بو دونیانین یوخ وفاسی
ازه ل گوندن سارالارین
باشیندا اولوب بلاسی
سولدو ائل ایچره پناه سیز گولیمیز
ائل قیزین قئبره قویاندا ائلیمیز
توکدو گوز یاشی آرزانان کوروموز
ائل قیزین قئبره قویاندا ائلیمیز
#محمدعلی_حکمتی
بیله سوار