حکمتلی سوزلر
محمد علی حکمتی
حکمتلی سوزلر
محمد علی حکمتیمحمد علی حکمتی
فرزند مغان علاقمند به وطن عاشق ایران((((ظلمه تسلیم اولمیانلار عشقه تسلیم اولدولار///جان بله عزتدی بیر تسلیمه قوربان کربلا )))حکمت
ادامه...
همن آشدی همن کاسا
راشید گلیب کاش گوره سن
زولم آلتیندا نه چکیریک
پیس یولداشین اوجباتیندان
بیز اولمه گه تله سیریک
شیطان دیلین گوده لدیبلر
حجین یولون دوزه لدیبلر
**آنا دیلین دیریلدیبلر.
روشوت دولار باسا باسا
همان آشدی همان کاسا
چیراغیمیز ایشیق سالمیر
ثیروه تیمیز قاچیر قالمیر
شیطان جانین آلله آلمیر
شیطان شش بش آتیر تاسا
همان آشدی همان کاسا
گاهدان قالخیر گویه بازار
گاهدان قیریر بیزی آزار
حاقق آشیقلار حاققی یازار
شاعیرلر شعرین یازماسا
همان آشدی همان کاسا
آغلاماسون مه مه یوخدو
موفده چالیب چاپان چوخدو
مظلوملارین گوزو توخدو
ویجدان کیلوی بیر آبباسا
همان آشدی همان کاسا
تلگیرام آدلی بیر دونیا
مجازیدی میثله رویا
یادان چیخیب صدا سیما
مچید منبر بوش کیلیسا
همان آشدی همان کاسا
چکمه سن آبرینا چپر
کئشیگینده یاتیب شه هر
گوزتله ییر سنی خطر
آلله اوزو قوروماسا
همان آشدی همان کاسا
زامان یوروب اینسانلاری
شیطان قیریر دوزدانلاری
دوللار قاپیر ویجدانلاری
فریادا چاتماسا عیسا
همان آشدی همان کاسا
یالان دوغرو یازا یازدی
چوخلو اوردک بو گون قازدی
دوز دانیشان یامان آزدی
قلم حقیقت قازماسا
همان آشدی همان کاسا
اوز دسته سین کسیر پیچاق
نادان اولوب ائلده قوچاق
دده سین آللادیر آلچاق
فیلم اویناییر خالقا کوسا
همان آشدی همان کاسا
دئوه لر دللئکلیگ ائدیر
قارغادا لی لکلیگ ائدیر
نعلبکی چئللکلیگ ائدیر
جانا گلیب مروا صفا
همان آشدی همان کاسا
شیرین سو هرگون آزالیر
طعبییت بیزدن نازآلیر
قیشی میزی یایی یاز آلیر
تانری بیراز ال ساخلاسا
همان آشدی همان کاسا
حکمت دردین بئله یازدی
سوزلری آیدین آیازدی
ساراسیدا خان آرازدی
بیله سووارا ائل یانماسا
همان آشدی همان کاسا
محمدعلی_حکمتی
بیله سوار
نوزدهم مرداد ۹۶
ساز اولا
ساز اولا
بو سینیق ساز سینه می سازلاماغا کاش ساز اولا
آغاران ساچلاریمی نازلاماغا کاش ناز اولا
قیشلامیش عشقیمیزی قیشلادان آیلار ایللر
روزیگاردان آزالیب آزلاماغا کاش آز اولا
بیر گوزل سئوگیلی جانان اوره گین شادلاماغا
شور شهناز سه گاهین قازلاماغا کاش قاز اولا
قار قیرودان دونوشان سئوگیمیزین شاختاسینین
چیله سین قیش بورانین یایلاماغا کاش یاز اولا
سئوگینین خطرینه دونیانی تامام گزمگ ایچون
قوشولوب قول قولا گوج توپلاماغا کاش باز اولا
یه مییبسن قاز اتین سن نه بیلیرسن له زه تین
دوستلارین دوستلوغون آرتیغلاماغا کاش قاز اولا
گر یارین اولسا اوروپالی گولوم غم یئمه سن
سوله جانانیمی میزانلاماغا کاش جاز اولا
عیواضین بختییارین شعرینی ویران ائله ین
شاعیرین شعرینی شیللاغلاماغا کاش داز اولا
گونو گوندن وله دی چاشمادادی دونیامیزین
بو گوزل دونیانی ساهمانلاماغا کاش فاز اولا/1/
حکمتین گوز یاشینین دامجیلاری اولدو غزل
بو غزل تئللرینی اوخشاماغا کاش ساز اولا
دونیا سرحدلرینین باغرینی یارماقدان اوتور
ژییانی پیکانی ماکروسلاماغا کاش ماز اولا /2/
محمدعلی_حکمتی
بیله سوار
پنجم مرداد ۹۶
فاز /1/ سامانه یکسان..
ماز/2/فرمول ریاضی
دئییشمه.حکمت و قوجا گلدسته
حکمت(
وطن اولوب باجا باجا
اود ایچینده یانیر خوجا
شاعیر دئییر تاپ تاپ باجا
سنه قوربان اولوم قوجا
..... ......
قوجا)
باغلادین حیسّی اوج- اوجا
فیکریمی سالدین تیخاجا
یامان دوشدوم آتلامباجا [۱
تاختالانیر بو! قاپ- باجا،!!!
..............
حکمت)
غم ایچینده جاوان قوجا
قازانجیمیز گئدیر بورجا
هاردا قالدی یاغ یاخماجا
سنه قوربان اولوم قوجا
...............
قوجا)
موُر دوشوب، اَریش- آرغاجا [2
عومرو،!چکیرلر یونتاجا3]
" حکمت" ظولمو!.سال، بورغاجا[ 4
دوزور هله! درده "قوجا "
.......
1- بازی کودکانه
2- تار و پود
3-رنده
4-گرداب
قوجا .حکمت
هفتم مرداد ۹۶
قیزلار گونو
آآللاهین آدیلان
قیزلار گونو موبارک
آنالار آتالار بالاسی قیزلار
ائلیمین گله جک آناسی قیزلار
داغلارین قوینوندا لالادی قیزلار
باجینین اوغلونا خالادی قیزلار
آتایا آنایا بالادی قیزلار
ائلیمین گله جک آناسی قیزلار
گویلردن سوزولن یاغیشدی قیزلار
دورنالار گوزونده باخیشدی قیزلار
ائلین سوفره سینده ناخیشدی قیزلار
ائلیمین گله جک آناسی قیزلار
قیزلاریم اولماسا سوللام آ قیزلار
حکمتین گوز یاشی اوللام آ قیزلار
یاشینین ساچلارین یوللام آ قیزلار
ائلیمین گله جک آناسی قیزلار
قیزلاریمین قاداسینی آلیم من
دردین غمین اوره گیمه سالیم من
ایسته میرم قیزلاریم سیز قالیم من
ائلیمین گله جک آناسی قیزلار
محمدعلی_حکمتی
بیله سوار
سوم مرداد ۹۶
طنز .او گولسون
او گولسون
طنز.....
دئسه. آرواد. چوره گ هانی محمَد
دئنن یوخدو پولوم یالوار او گولسون
دوگونله قاش قاباغی میثله رستم
دئنن آرواد مگر حال وار او گولسون
نهایت ائتمه گه آروادی راضی
دئنن به به گوزل خال وار او گولسون
فشارین ائنمه میش سویله نیگارم
سینیخ یخجالدا گور بال وار او گولسون
آی حکمت اینسانا لازیمدی گولمک
دئنن من ایت بوگون یال وار او گولسون
گینه گورسون باریشمیر سنله آرواد
دئنن آللام گوزل دول وار او گولسون
بو دونیاده نه قدر گول وار گئتیردیم
گوروم یار قلبینه یول وار او گولسون
هاچان گورسون یوخون گلدی بئله ده
گئتیر آرواد اگر چول وار او گولسون
دئسه ال آت کیشی بو فرشی چیرپاق
دئنن قاچ گئت مگر قول وار او گولسون
بی گون خفدن دئنن آرواد بیلیرسن
اوغورلوقدا کالان پول وار او گولسون
جنابه تیمسارین اوغلو اوباشدان
چالیب چاپدی نه قد مال وار او گولسون
بوگونلر تلگیرامدا چال ها چالدی
یالان دونیاده چوخ کال وار او گولسون
دونن گینسده گوردوم کی یازیبلار
موغاندا چال آشیغ چال وار او گولسون
ماشین تک ایشلیین حکمت دئیرکی
یورولدوم دای چیخیر شالوار او گولسون
تامام دونیانی گزسون چوخ یئرینده
آدام شکلینده چاققال وار او گولسون
نه آرواد گولدو نه شعریم قوتاردی
یاقین باخجامدا قان قال وار او گولسون
چاغیر گلسین منی بو حالدا گورسون
یانار قلبیمده تونقال وار او گولسون
طنز
#محمدعلی_حکمتی
بیست و هفتم تیرماه ۹۶
بیله سوار
جانیم محمد گوزوم محمد
سنسیز نئجه دوزوم محمد