اوغولوما نصیحت
گز دولان دونیانی اوغلوم گردیشه دورانه باخ
فکر ائدیب سن تزقوجالما قبرو قبریستانه باخ
یاغلی یئه یاکی یاوان عومری شرفله وور باشا
آل گینان سن دستمازین قیل ناماز قرانه باخ
روز و شب علمیله چیرپیش مختصر علم آل اله
هرزه یولدا خشلئمه مرد اول اوغول مردانه باخ
عشقیله دونیایه باخ مهرو مئحبت سن قازان
ایسته آللاهدان سعادت دین وئرن فرمانه باخ
توت گینان یوخسول الیندن ایله سن اینسانیت
حامی حق اول اوغول عشقیله سن جانانه باخ
سعی ایله دونیاده آللانما اینانما هر کیمه
عشقیله دونیانی گز روز و شبه بیگانه باخ
حکمتین سندن سورا یوخدو بو دونیاده کسی
سن اونودما قبریمی هردن بی گورستانه باخ
شعر از محمد علی حکمتی
گودورم
درد ییغیشیب سینمه ولکان تکی
هاچان جوشوب داشاجاقین گودورم
خییال آتین مینیب چاپاجاق کونول
آرزولارا چاتاجاقین گودورم
بیر عومورون دردی غمی سینمدن
باش گوتوروب قاچاجاقین گودورم
درد بولود تک سینمده چاقیشاجاق
ایلدیریم تک شاخاجاقین گودورم
دونوب سئله چشمه لری گوللری
دنیزلره قاتاجاقین گودورم
کئدرلرین کینه لرین گئمیسی
دریالاردا باتاجاقین گودورم
وطنیمه کج باخان قولدورلارین
زامان باشین آساجاقین گودورم
شرافتلی اینسانلاری گول تکین
خونچالانیب آچاجاقین گودورم
محبتین صداقتین کاروانی
سرحدلری آشاجاقین گودورم
بالدان شیرین آنا دیلین دونیایا
شه هر شه هر یایاجاقین گودورم
اوغرو سوار دوزلر پیاده قالیب
دوزلر آتین چاپاجاقین گودورم
حکمت دونیا یار اولمادی مظلوما
بو دونیانین باتاجاقین گودورم.
قانادی ساللانمیش یارالی قوشام
خرابه ائولرده سانکی بیغوشام
دردالیندن هارای چکن چاووشام
بیر سوگی سیز باغدا باداغلانمیشام
درد ایچینده یانیب هالولانمیشام
نه سنده دی گوناه نه دکی منده
تقدیر یازان بئله یازیب بو کنده
روزیگار هئله لیک ایلئسین خنده
داغلانیب اوره ییم من اوخلانمیشام
درد ایچینده یانیب هالولانمیشام
بیر گون منده قفسلردن چیخاجام
عدالت سیز حاصارلاری ییخاجام
آزادلیقین الین توتوب سیخاجام
بیر عومیردی دیلیمدن باغلانمیشام
درد ایچینده یانیب هالولانمیشام
بیر گون قیشا بیر گون یازا یازمیشام
بیر گون داشا بیر گون باشا یازمیشام
عاریف بیلر چوخ سوز قاشا یازمیشام
قورخا قورخا حاقلا آداغلانمیشام
درد ایچینده یانیب هالولانمیشام
اوز اوشاقیم اوز دیلیمی بیلمئییر
گوز یاشیمی اوز قارداشیم سیلمئییر
گور هاچاندی آغلار گوزوم گولمئییر
اوز الیمنن اوزوم اوراغلانمیشام
درد ایچینده یانیب هالولانمیشام
حکمت دردی چکمه سون درد آزالماز
قایالاری یارماسون یول آچیلماز
عالیم باشی شاعیر داردان آسیلماز
آسسالاردا قان باتیب یئرده قالماز
حق یولوندا ناحاق قاداغلانمیشام
درد ایچینده یانیب هالولانمیشام
یازانین✍تخلوصوحکمت
وطن
یوخسلارین صداسیام
اوز ائلیمین بالاسیام
دونیایه های سالاسیام
ظلوم آلتیندا قالسام دا من
نه قدر وار الده قلم
چکسم بیرعومیر دردو قم
اولسا قولوم قئلم قئلم
ائل یولوندا یانسام دا من
ائلیمه سینم سوپردی
اوغلوم ائلیمه نوکردی
قلئمیم قیلینج کئسردی
ائل دردینن سولسام دا من
وطئنه قورباندی جانیم
یولوندا توکولسه قانیم
وطندی شهرتیم شانیم
اولوب ایتیب باتسام دا من
باشیمی داردان آسسالار
دریمی سویوب ساتسالار
خیریمه شری قاتسالار
حکمت شعری یاشایاجاق
جان توپراقا قاتسام دا من
شعر از محمد علی حکمتی
۹۵/۶/۳۱ شهریورماه
بو شعری تقدیم البیرم قیرتلی پهلیوان مجید فرزین جنابلارینا . و محترم خانواده سینه و عزیز همشهری لریمه و تبریک دییرم ورزش دوستلارا
پهلیوانلار پهلیوانیسان مجید
اولمپیکین قهرامانیسان مجید
بیله سوارین آدین دونیایه یایان
سولطانلارین سولطانیسان سن مجید
تاریخده هک اولان گینسده قالان
وزنه وئران وزنه بردارسان مجید
موغان آدین برزیلده تانیددیران
بیرینجی قیرتلی اوغولسان مجید
قیزیل میدال یاراشیر گردئنینه
باش اوجالدان شرفلی شانسان مجید
داماریندا آخان تورکون اوز قانی
کور اوغلونون اوز اوغلوسان سن مجید
ابلفضل آدینان وزنه قالخیزان
زینبین آدینی سینییه یازان
قهرمان ائلیمین قهرامانیسان
امام رضا کاروانینین بایراغین
شرافتله اوجالدیبسان سن مجید
الون قولون آغریماسین پهلیوان
سعادتین اولدوزوسان قهرامان
شعر از محمد علی حکمتی✍✌✌✌
تقدیم به قهرمان قهرمانان مجید فرزین
آنا یوردووا اودولو اهالیسینه عشق اولسون
تبریک به ملت شریف مغان بخصوص بیله سوار