آی منیم سانجینان دوغان غزلیم
ایلهاملی سوزلری ساغان غزلیم
یاغیش تک کاغاذا یاغان غزلیم
دونیایه گئلیشون سنون موبارک
شعر .✍حکمت
لالام
بوگئجه یوخودا گوردوم کی لالام
بیر سس اشیدمیرم بیلدیم کی کارام
قورخودان رنگ و روح قاشیدی آغاردیم
سانگی داغ باشیندا قوجا قارتالام.
کونلومون کونجونه سیخیلدیم قوش تک
چیرپیندی اوره ییم آغلادی یارام
دئدیم کی قالمارام من بو دونیادا
فیکر ائتدیم گوللرین ایچینده خارام
جانمیا قصد ائتدیم دنیز الیله
گوردوم کی باشقا بیر دونیادا وارام
عدالت محکمه قورولدو اوردا
گوردوم کی میداندا قورلان دارام
دئدیلر شیکسته بیر آواز چالون
چالاندا گوردوم کی چالینان تارام
دئدیم کی آی آللاه من کی لالیدیم
بو هانسی دونیادی من اومیدوارام
ایستیرم قاییدام من اوز دونیاما
اونسوزدا دریندی ساغالماز یارام
خیال قانادلارینا یالواردیم قایتار
یارالی یارانی وئرانا یارام
یازدیغیم شعیردی گوردوگوم یوخو
نه کارام نه لالام .حکمت م.وارام
۹۵/۶/۱۰ شهریور نودوپنج ✍محمد علی حکمتی
خیال
بو گئجه گل یوخوما بلکه سنی بیرده گورم
بو اسن الله ریلن ساچلارینی بیرده هورم
میندیرم بیرده سنی یوروگه من یورومئگه
یاکی سن داشقانی ماشین ائدسن منده سورم
هی سنی سس لییه لر باخچادان ال چک آی قیز
آه چکیب آیریلیقا یاش توکه سن منده سیلم
آغلاما بیر گئجه لیک گوز یاشینی ائتمه سه لاب
بئله رویا اله دوشمز مئله ییم بیرده اولم
گیزدیلین پاچ اویونون بیرده سالاخ یاده بو گون
امما گیزلن مئگه یوخ کچمیش ایله بیرده دونم
سن گلیب نازیله هر گون گئده سن مدره سییه
بیر سالام وئرمئگه بش ساعتی من تینده گودم
بیر باخشینان منی عشق عاله مینه دونده ره سن
بو گوزل خابین ایچینده یه نئده خابه گئدم
بیر ساعاتلیق یوخودا بیر عومورو من یاشارام
سن منیمله قالاسان ایسته مئرم روزه دونم
گل اوتور بیرده سالاغ چالماداشی یادیمیزه
قورخور حکمت توکنه واخت اولوم خابی گورم
شعر از ✍محمد علی حکمتی