بنام خدا
شورایه گورا
گوره سن نیلییه جک لر بیزیچون جامعه ده ٬
بئله های هوی دی ٬بتر" غوغادی شورایه گورا
آج پیشیک لر نئچه گون قارنینا دونبک چالاجاق
پایلاییر لار کوچه ده حالوادی شورایه گورا
زولفعلی قول وئریب شورا چیخا کندیمیزه
اینگین ساتدی الین قاوزادی شورایه گورا
آدی عین الله دا اولسا ائلیه ر دوختور علی!
باسما مدرک (باکی) دان جورلادی شورایه گورا
شورانین فرقینی بیلمیر بو یازیق شوربا ایلن
ایندی علم اهلی اولوب ٬باننادی شورایه گورا
فتعلی سیفعلی تاپدیق قولعلی دورما یئری
پاس باسان کوهنه ساواد یولدادی شورایه گورا
قاچاقاش توشدی هامی گئتدی آدین ثبت ائلدی
کشتی گیر وزنه ووران قالمادی شورایه گورا
درناغین نان داری چخمازدی او کس لر تانیرام
نچه میلییون تومنی شوللادی شورایه گورا
بیری ساقال منه توتدی بیری ده چکدی بوغاز
رای دن اوتری دیلی نی سالا دی شورایه گورا
چول بورونموش اولاغین ساتدی بّتر چیخدی گونه
هم یّهر آلدی آتین ناللادی شورایه گورا
بیریده کندیده ساتدی تک دامازدیق اینئگین
شرکت ائتسین بالاسی آغلادی شورایه گورا
دونئنه جک تانیمازدی منی واللاه بو گئده
اما ایندی بویوما اوخشادی شورایه گورا
بئچه کسمزدی بو کی من تانیاردیم اما
دونن آخشام اوکوزی قانلادی شورایه گورا
زیغ مئمی تاخدا قولام شور قولعلی خیر خیر علی
هر بیری زولفعلی نی دانلادی شورایه گورا
ایکی اللی باشینا سالدی قاپاز چئخمادی چون
آجیغین نان ٬ پاپاغین ٬توللادی شورایه گورا
پولونو خشله دی شارژ آلدی او هی تلگیراما
چیخمادی اعتراضین یوللادی شورایه گورا
منه نه وئرمه دیلر رای ٬چیخاسان زولفعلی خان
کلله مه باشماقینی" زوللادی شورایه گورا
آی جماعت ییغشون شورانی تحریم ائده گون
بش نفر شهریمزی پ.....لادی شورایه گورا
خارابا شهریدی آنجاخ نه دئییم شهریمدن
کی آدام بایقوش اولوب بانلادی شورایه گورا
نئچه ایلدیرکی جناب هئچ منه وئرمزدی سالام
گلیب الان نئجه گور یانلادی شورایه گورا
میللتی تاس تکی میداندا آتیللار اویونا
هم ششی هم بشی بازنده دی شورایه گور
شوهرتیم پیس دی دئییشدیم؛ اّشیدون راضی اولون
ایسته ییرسیز دئییشیم؛ من آدی شورایه گورا
سن نه دئیسن خبرون یوخدو، خبردن دییه سن
بعضی لر وردی طلاق، آروادی شورایه گورا
ایستیرسدن دانیشاندا ،کیریخب دی قولعلی
رای یئرینده دئدی وئردون، زادی شورایه گورا
سف قولی دم قولی یورغان سیرییان کاتدا شولو
هاممی اوز دایچاسینی، چولادی شورایه گورا
بیری داعش تکی ،ساققال اوزادیب ساللادی شال
بیریده ساققالینی، دازلادی شورایه گورا
بیری تبریز بیری تهراننان اولوب ائل دلی سی
هر گءجه تلگیرامی ایزلدی شورایه گورا
چوخلاری تازه بیلیب بیله سواردی وطنی
خام خیال نقشه یه ناب اوینادی شورایه گورا
شورا تحمیلی اوغرولوقدو بویوک اوغرولارا
حکمت عشق اهلینی چوخ دانلادی شورایه گورا
طنز محمد علی حکمتی
اول اسفند ماه ۹۵
95//12//1
من چکن درد دار دادا بوغول مئییب
هئچ اینسانا بئله درد سوخول مئییب
بلکه ده دونیایه هئچ دوغول مئییب
""بودردی هئچ ائلین داغی چکمه سین""
""بیز چکنی گوروم یاغی چکمه سین""
زلیم خان ایچیمده بیر آه مئله ییر
مین بیر آهی اوزیله سیلکه له ییر
ایچیمده بیر دنیز دردن بسله ییر
""بو دردی هئچ ائلین داغی چکمه سین""
""بیز چکنی گوروم یاغی چکمه سین""
حاخلی حاخسیز زامان باسیر داغینی
بالتالاییر یام یاشیل باغ لارینی
قان چاناغی ائدیب بولاغ لارینی
""بو دردی هئچ ائلین داغی چکمه سین""
""بیز چکنی گوروم یاغی چکمه سین""
گوز یاشلاری گوندن گونه چوخالیر
ائل ناله سی "حکمت " گویه اوجالیر
اینسان دردین حیوان چکیب قوجالیر
""بو دردی هئچ ائلین داغی چکمه سین ""
""بیز چکنی گوروم یاغی چکمه سین ""
# محمد علی حکمتی
95//12//9
به نام خدا
بو غم نه غم دی الیندن داماردا قان توتولوب
مین آرزی داردا قالیب دار قفسده جان توتولوب
نه دندی دردیمه درمان باغیندا خان توتولوب
"بو داغ باشیندا نه وار بیلمیرم یامان توتولوب""
"بو داغ باشیندا یئنه بیر تالا دومان توتولوب""
جانیمدا دردیمه یئر یوخ آشیب داشیر قیناما
سینیبدی گوزگو جمالیم سولوب چاشیر قیناما
کوچوب گئدیر جان ائویندن ایراهلاشیرقیناما
"نه یازدی..قولتوغونا گیرمه سئم آشیر قیناما""
"چینار چینار بالاسی هارداسا گومان توتولوب"
سارای بوغولدی الهی آتیلدی سئل لره گول
نه گلدی باغچامیزا کی وئریلدی یئل لره گول
بوغول سادا چای ایچینده توشوبدو دیل لره گول
"باهار توتولدو اونون الرینده بیر شئله گول""
"پاپیزدا-اوندان آخی بیر سبد سامان توتولوب""
هاچاندی ائلده چالینمیر آنا دیلین هاواسی
دوشوبدو قوربته چنلی گئدیک بئلین هاواسی
کولک اسنده وطن ده قوخور سئلین هاواسی
"یامان یاغیشلی دی بو باش ساری تئلین هاواسی""
"آه اولما ساز توتولوب ،اولمایا کامان توتولوب""
ندن الهی زامان کونلومو واراقلیب آه
من حکمتین غزلی نادری سوراخلیب آه
باخون دوزوم زمی سین آیریلیق اوراخلیب اه
"بولاق باشیندا یئنه دیزلرین قوجاقلاییب آه""
"بو داغ باشیندا نه وار بیلمیرم یامان توتولوب""
اوستاد نادر الهی جنابلارینین بیر غزلینه تضمین بو قفس ده اوچدو بلکه ... کتابینین ۵۲ینجی صفحه سی
یازان محمد علی حکمتی
شعر عیبرت
کندیمیزده دانا قالسایدی ناخیردان آخیرا
اول ناخیرچی دانانی همتای ائدردی قاتیرا
قاتیرین گورسه چاتیبدی حیاتیندا آخورا
یاقین آخساق دانا چاتمیش کاسیبا یا فاغیرا
محمد علی حکمتی
هشتم بهمن ۹۵
غملر داراشیب جانیمه داردیر منه دونیا
یارب نه معممادی دکی هاردیر منه دونیا
بیر گون منه بیر ایلدی بو دوران نه یه لازیم
هر لحظه سی هر بیر آنی زاردیر منه دونیا
آچدیم اوره گین قاپ باجاسین دوست اوزو گولسین
چکدی داغی داغ اوسته کی کاردیر منه دونیا
دوست اولدو منه کهنه دئییرمان من اونا دن
دارتدی منی دنلر کیمی خاردیر منه دونیا
#محمد علی حکمتی
دهم بهمن ۹۵