چیلله گءجه سی
کاسیبلار یکه سین ارباب خیرداسین
چکدیلر آهلارین قارپیز آلاندا
یلدانین آخشامین پاییز گءجه سین
اوخویوب اوینئیوب یولا سالاندا
یلدا مبارک
آللاهین آدیلان
(چکر اینسان اولان، اینسان غمینی)
( آغلایان گوزولرین آلار نئمینی)
سئرچه نین آدینی قارتال گویدولار
باش بیلن دری سین چکیب سویدولار
میللتین گوزونو زورلا اویدولار
موغانین جانینی آلانلار آلله
یوخسولون دردینی کیم آنلار آلله
آروادا اوشاغا یالان ساتدیلار
موغان میللتینی لاپ آلچالتدیلار
قارداشی قارداشا خایین ساندیلار
وطنی پیس گونه سالانلار آلله
یوخسولون دردینی کیم آنلار آلله
عومور بویو اونا بونا ایشله دیک
مین دانلاقلا بیر تیکه نی دیشله دیک
عربه عجمه حکمت بسله دیک
شو غریب هاواسین چالانلار آلله
یوخسولون دردینی کیم آنلار آلله
#✍محمد علی حکمتی✅
فروردین ۹۴
خدا حافظ بختیار
یاسا باتیب آزربایجان.ائل.دییار
هارداسان هارداسان شاعیر بختیار
قوشولدون سن شهرییارا بختیار
ائلین گوزو آغلار قالار مین باهار
شاعیره آرخایدین شعیره ووقار
اونودماز موغانیم سنی بختیار
یاسا باتیب آزربایجان .ائل .دییار
موغان اوغلو ترک ائله دین دونیانی
گئدیشینله آغلار قویدون موغانی
گئیدی آزربایجان بوگون قارانی
اونودماز اوستانیم سنی بختیار
یاسا باتیب آزربایجان. ائل .دییار
آراز قان آغلادی بالهارود کوسدو
دالغالار کوُلکلَر دنیزی سوکدو
حکمتین بئلینی اوُلومون بوکدو
اونودماز ایرانیم سنی بختیار
یاسا باتیب آزربایجان. ائل. دییار
#محمد علی حکمتی بیله سوار
۹۵/۹/۲۴
شاعیر دئییرلر شعری یازاندا
یاز گوله بولبوله باغلارا شاعیر
زمانین کول کوسون قودوز قوزقونون
سن اوخشاد قارتالی داغلارا شاعیر.
H
یوخسوللار گوزوندن دامان دامجینی
یئتیم لر چکدیگی آغیر سانجینی
قارداشا یاد اولان دوغما باجینی
من نئجه اوخشادیم قارانی آغا.
H
داغلارین باشیندا قارا قارغا چوخ
یاماجیندا آیی جیران کئچی یوخ
اته گینده تولکولرین قارنی توخ
من نئجه اوخشادیم تئپه نی داغا.
H
گویین یئدی قاتین آه لار دله جک
هارایا هارایچی بیر گون گله جک
ناحاق گوز یاشینی گومان سیله جک
من نئجه اوخشادیم خسته نی ساغ.
H
جاوانلار آری دی تیرییاکدا پئتک
قیردی جاوانلاری آنفیلانزا تک
آغاجی ایچیندن قورد یئییر دئمک
من نئجه اوخشادیم زه هری یاغا.
H
ذکاتدان خمسیدان حاجی اکیلیر
اوُلویه آیریدان اوتاق تیکیلیر
حکمتین شعرینه کفن بیچیلیر
من نئجه اوخشادیم آرخی بولاغا.
H
#✍محمد علی حکمتی
تقدیم به فرزندانم
قیزیم زمانه قاتیبدی قاریشدیریب باشیمی
ایتیب اوزومده جوانلیق آغاردمیشام قاشیمی
نه سالگرد نه ده یادداش نه آروادیم نه یاشیم
چیخیب دی دونیا یادیمنان اونودمیشام یاشیمی
یوروب بو دونیا منی سیزیلداییر سومیگیم
بی دلدا یئر گزیر حکمت توکه گوزون یاشینی
بو دونیادا منیم عشقیم اوشاقلاریمدی فلک
بالا داغی منه وئرما داغید عومیر آشیمی
من حکمتین اوره گینده بیر آرزو داردا قالیب
چین ائت او آرزومو آلله دادیم بیراز تامینی
محد علی حکمتی