آلله هین آدیلان ......
اینسانلار اینسانین گوز یاشین سیلمیر
نییه سی نئجه سی منی چاشدیریر
قوجالار جاوانی عاغیللی بیلمیر
بو تدبیر حالیمی صاف قاریشدیریر
قوجالار کئچمیشی چکیرلر روخا
دئییرلر بولیدی کئچمیشده چورگ
احتیرام قویاردوق بیز یاشی چوخا
سیاست دول ایدی پاکیدی اورگ
آی ده ده دونیانین وله دی چاشیب
اینسانلار خلق ائدیر ساختا قار کولک
ساوادلار علمی لر کاساسی داشیب
بیلمیرم آغلایاق یا باخاق گولک
گونشی پارلادان گویو آغلادان
ظاهیرین بیز گورن آسیمان فلک
کایینات یارادان دونیا لاخلادان
خالیقدی خلق ائدن بیز بشر بیلک
اینتیظار حددیندن یوخاری آشیب
ایستیرک عمل سیز معجیزه گورک
حکمت لر باشینا اولوم داراشیب
بولوطلار آغلاشیر اینسانلار کوورگ
اینسانلار اینسانین گوز یاشین سیلمیر
نییه سی نئجه سی منی چاشدیریر
شعر ✍محمد علی حکمتی
پنجم آذر ماه نودو پنج
دول ایدی...ازدواج نکرده بود
بولوط ....ابرها راجابجا میکند
طنز
آچار.
ص....یاعلی
مشدی حسن دورد ایلی ووردو باشا
آمما آچار سالمادی هئچ ساغ دوشا
یوخسول آجینان مله دی روزو شب
میللی پایی پایلادی بول سولدوشا
چوخلاری ریشخند ائله ییب گولدولر
چوخلو چوره گ توللادیلار یاد قوشا
سن کی گوله بولبوله یار اولمیسان
قویما بوگون خارلا گولون دوققوشا
بیز سنی رای له ائله دیگ شاه کلید
سن بیزی اوخشادما چیراغ خاموشا
احمدو محمودو حسن یاکی خان
فیکر ائلمه بیز هًویجیک خرگوشا
گرچی بوگون چوخدو بیزیم عندلیب
سسلری بنزیز چوخونون بایغوشا
چوخدا گوزل چایدی او ماحمید چای
قات اونو احمدله ایچیرد سولدوشا
نفته گازا چوخلی شهید وئرمیشیک
وئرمه شاباش کورلاما چوخ دست خوشا
قویما ظریف برجامی بر باد اولا
بش بیره دیوانه ترامپ باش قوشا
گاز پولو تلفون پولو سو یا ایشیق
میللتی آغلاتدی حسن چوخ یاشا
آفرین اولسون بئله تدبیرینه
منده قوشولدم سیزه تب ایم جوشا
سن سوزو سوزگجله سوزوب صافلاسون
آب طلای لا یازیلار یادداشا ((فرگوشا))
بیزده هجین قالمادی دای مشد حسن
تکجه قالیب آرواد اوشاق قورخوشا
ایتیوپیلر چیخدی: آیا ؛مرریخه؛
بیزده اوغوللار ساپ آتیللار قاشا
قاضی پورون لحجه سینه قوربانام
فارسی یا آجیخامرادی تورک قات جوشا
بیر چپیش آل یالوار اونا حکمتی
بلکه وئره سوت توکه سن سوتداشا
یئرده بوخار لاندی باهار گلمه میش
بیزده بوخار هاردا چاتاق تای توشا
شعر ✍محمد علی حکمتی
بیست ششم آبان ماه سال نودو پنج
میللی......ملی
سوزگج......پارچه ای برای تسویه شیر صاف کن
هجبن....یعنی..توان غیرت
چئپیش ....بز جوان شیرده
مرریخه.....مریخ
توققوشا....تصادف شاخ به شاخ
بیغوش.....جغد
خرگوشا....منظور.اوزون قولاغا
آجیخامرا...خمیر مایع
عندلیب...هزاردستان ...بلبل.....منظور صحبتهای
رنگارنگ است..
فرگوشا...یعنی گوش شنوا
قاچا قاچدی
صبریم جالانیب رحم ائله آلله داشا داشدی
میللت پولونوچاپدی چوبانلارقاچاقاشدی
هر اوغرونون عنوانینی آشدی بیزه قاضی
راضی دئدی آزاد ائله قاضی او داداشدی
چوخ سوزلری پوشیده ایشاریله دئدیم من
قورخاق باشا دوشجک دئدی شاعیر ایشی یاشدی
غیرتدن اوزاق گز دئدی شاعیر نه زاماندی
نای نای قوتاریب بای بایا فکر ائت باشی داشدی
آل دستئمازین قیل نمازین توپلا عیبادت
آللانما کیشی ساغلا سولون باغری باداشدی
ساغ ال وئرنی قویما کی سول ال باشا دوشسون
دوشجک دییه جک حیله یه شرً شهره داراشدی
حکمت بئله ایتمیش اوزنو هئچ تاپا بیلمیر.
فامیل قاپیسین ایلده بیدفده آچا بیلمیر.
یوخسوللار آجیندان گئجه گوندوز یاتا بیلمیر.
قارداش باجی یولداش هامی محتاجه لواشدی
بیر آیلیق حوقوق بش گونو گورمور نئجه دووران
قاچ آیلارون ایل دوغسون اوغول قاچ قاچا قاشدی
شعر ✍محمد علی حکمتی
پانزدهم خرداد سال نودو پنج
شعر اجتماعی
اوگه گ شهر
ظولمون کوله گی سیزدن اسیر غملی موغانه..
حق بیله سوار باشقا سوزیم یوخدو زمانه؟
ویجدان قوراجاق محکئمه بیر گون سیزءه خانه
بسدی داها ظلم ایله مئییون دردلی موغانه
زورنان نمین اولماز گوزلیم منطقه آزاد
تاریخده قالیب دشت موغاننان بئله بیر آد
زرخیز موغانیم ایلییه جک ایرانی آباد
بوش سوزلری چوخ آتما آغا بسدی بهانه
بیر گون ارسی گومریگ ائدیب اورتیا آتدوز
بیر گون نمینی انبار ائدیب بیزلری ساتدوز
مجلیسده موخالیف ساز اولوب بئی لره چالدوز
فیکر ائیلمه دوز درد گئتیریب میللتی جانه
هر کیم یورولوب بازنیشست ایسته ییر اولسون
حوقوق کاساسی دشت ء موغاندا دولو دولسون
زرخیز موغان آباد اولور اولسون یاکی سولسون
فیکر ایلمه دوز دشت موغان قالدی خرابه
هر کس وکیل اولدو قیشی یایی ائتدی اوزونده
یوخسول رایینی قاپدی سراب ائتدی گوزونده
حق سوز دئمه دی بیر دفعده دوزلو سوزونده
ساتدی بو آزاد منطقه می یاغلی کبابه .
گلدی وکیلیم شهریمی آباد ائده بیلدی
ماشین کومئگین چاله دن آزاد ائده بیلدی
اوز دوستلارینین بیر نئچه سین یاد ائده بیلدی
شهری دولانیب موشگولو چاتدیردی تمامه
ایش گور بو موغان اهلینه شاعیر سنه قوربان
صنعت گئمیسین سور موغانا کشتیی طوفان
اولسون بو موغان میللتی هممیشه خورامان
قویما باخا آج گوزلو بیزبم یاغلی موغانه
حکمت داها بسدی قئلمی قوی یئره سیرداش
تاپشیر جاهانین صاحیبینه شهرینی یولداش
سن چوخلی شرف توپلا بوراخ داش قاشی قارداش
سعی ائت اوزو آغ کوچ بو جاهاندان او جاهانه
شعر اجتماعی
خرادماه نودوپنج✍.محمد علی حکمتی
(شعر اجتماعی مجازی دونیا)
شًهرینه یانمایان اوغول یه رینه
بش آغاج اکه سن میللت خًیرینه
یووا قورا بی پناهلار باشیندا
اینسان گله کولگه سینه سئرینه
خول بوداغی گوندن گونه خوللانا
ریشه سی بوی آتیب دوشه دئرینه
اوزون قوشا زمزم تکین سولارا
اون ایل ده یاغماسا یاغیش دیبینه
قورخوسو یوخ یاشایاجاق بو آغاج
حتی یوز قورد نقشه چکه نه مینه
شورانی شهری انسانلار جورلار
حارام پارا قویما یاغا جیبینه
مجازی دونیادان موحکم یاپیشساق
سالار بیزی گوندن گونه چئتینه
گلون زنجیر اولاق پاخلاسی میسدًن
قیریل مایاق دوشمن سالسا کمینه
قورویاق شهری وابسته کسدًن
مینیک وئره ر دایچا سالسان چ ءمینه
بو دونیادا شیطان یامان چوخالیب
قویما کودو شیطان سئپه زءمینه
واختین اولسا شعری دوباره اوخو
آلینماسا زنگ وئر حکمت عًمینه
شعر ✍ محمد علی حکمتی
چهارشنبه نوزدهم آبان نودو پنج