طنز⚘
ناغل بیلن یوخدو ییغاق راز ائدک
سوزلرینین یاخجیسیلا باز ائدک
اللی یئدی پیکان آلاق مینمه گه
اوردگ اولاق گولده گیریب چینمه گه
زوزه چئکن کار قولاقی گیج باشی
ناغیل نئوا آنباری ائده ک گولمه گه
مش طالیبین تلفونونو یاد ائله
دایچایا سال زینقیرووی شاد ائله
کج اوتوراق دوز دانیشاق آی قاقاش
قویما دوشه شهریده دعوا دالاش
چوخدا بیلسوک آز دانیشاق آی کیشی
هر اوزومون سرسون اولار کیشمیشی
سوز قاناد آچسا اونا بل باغلاما
دوشسه آغیزدان آغیزا آغلاما
گل نصیحت یازماقی بیز ترک ائدک
یاخجی پیسی اوز ائویمیزده گئزک
داییره یه پرکاری چوخ آچامایاق
شاعیری تیر انداز ائدیب قاچمایاق
تلگیرامین هرزه سوزون توپلاییب
حافیظ آدیلان کانالا آتمایاق
سعدی سوزون هر یه تئنین آغزبنا
ساققیز ائدیب بیر لوماسین باسمایاق
واحیدی بو چینی کولرلر کیمین
جنرال آدیلان جاهانا ساتمایاق
سوز قوتاریب سا زیبینی چک بالا
دوز چوره گین پرده سین گوی قالا
داعشه باخسون کی گوره رسن بوگون
ایشلری دونیاده دوشوبدو دوگون
بی ادبین شخصییئتی یوخ داها
عشقه زولیخایه یئتیش گوی قالا
احتیرامون وارسا اگر شهریده
خاورینی پارک ائلمه طرحیده
کوسه آچا آغزینی دریاده گر
نازلی بالیغ های سالاجاق داده گل.
سعی ایله دونیاده بی رنگ اول اوغول
عشقیلی دریایه زیرنگ اول سوخول
دونیانی عشقیله دولان سن قولام
قویما موخالیف ساز اولام من چالام
هرکسه چاتجاق اونا سن وئر سالام
اولما ایلان میثلی چالان سن. بالام
حکمته عرض اندام ائده بیلمه روک
چکسه قئلم بیز هونرین گورمه روک
طنزه دوزوب ره سم چئکر گولمئلی
روسوا ائدر بیزلری مئممد علی
شعر✍ محمد علی حکمتی⚘
هشتم آبان ماه نودوپنج.
.
گورورم
شهریمین دردینی باغلار باخیشیندان گورورم
ائلیمین دردینی یاشلار آخیشیندان گورورم
موغانی هم قوجالار همده جاوان سئومه دیگین
ائولرین کوچه لرینن من ناخیشیندان گورورم
پولو بوردان قازانیر خیری وئریر اوزگه سینه
بو خیر وئرمه گی هر گون قاچیشیندان گورورم
قیرمیزی گوللری سولموش او یاشیل گولدانیمین
یاشیل اوغلانلارینین. باغ تاخیشیندان گورورم
شعریمی رنگیله بولمیش بو ناشی نققاشا باخ
هم سولون همده ساغین آختاریشیندان گورورم
باهالیقدان یارانان گوز یاشینی آخماقینی
بو بولانقی بولاغین سون چیخیشیندان گورورم
بیزیم اربابلاریمیز ال آچیق اوغلانلاریمیز
یوخسولون توخ باخیشیندان قاشیقیندان گورورم
شه هه ریمده داها یوخ بیردنه ده یولچو منیم
بول ایاقلارداکی ارزنده چاریقدان گورورم
نرگیسین ایقینین آلتیندا یاتان شهر یاشین
او دئییرمان داشینین کوهنه یاشیندان گورورم
دئییرم چوخدا اینانما بئله آلقیشلارا سن
ناغاریلا تارینین چال چالینیشدان گوروم
اوره گین یانقیسینین توسدوسون رنگی اولماز
حکمت. آلنینداکی قات قات قیرشیقدان گورورم
شعر✍محمد علی حکمتی
آبان نودو پنج
تقدیم ا ولسون ائلیمین غیرتلی اینسانلارینا
دونیاده منافیق لر اگر قول قولا وئرسه
بیر خیردا بسیجین هنرین گورسده بیلمز
مین داعش اولا ساتقین عربده اونا حامی
فهمیده لرین دیرناقینی اینجیده بیلمز
دونیا ییغیشا بمب اولا پرتاب ائده داعش
فهمیده لرین بیر توکونو دربئده بیلمز
آمریکییا اسرائیله سرباز اولا دونیا
ایرانه طرفه باش قولاقین دونده ره بیلمز
ایران صعئنتی چکدی اوروپالینی گتدی
علمین چراقین شیطان الی سوندوره بیلمز
فهمیده کیمین گولره کاش توپراق اولادیم
منده گول آچان آبانی هر گول گوره بیلمز
راهه شهدا راهه حسین ابن علی دی
بو عشقه یانان شعمی جاهان سوندوره بیلمز
کیم طالیب حقدی یولونو جایمایاجاقدی
فهمیده اوجاقین قرن اتم سوندوره بیلمز
ناحق یارانان بت لاری بیر گون سیناجاقدی
یوسف یولونو باده صبا چوندره بیلمز
حق سل کیمی دریایه آخیب یول تاپا جاقدی
داش آتماقینان کیمسه اونو دونده ره بیلمز
شعر از محمد علی حکمتی
تقدیم به فهمیده های ایران
بحر طویل .
کیمه لازیم
آجی زهریله بویانمیش
بو دوداغلار.کیمه لازیم
دولو کینیله پاریلداق
بو یاناقلار کیمه لازیم .
نئجه رسساملیق ائدیم
من بئله سیمایه بوگون.
یارادیم شعریله داغلار
بئله داغلار کیمه لازیم .
بو داغین لاله سی گولمز
بورا جیران سووا گلمز
بولاغیندان سو ایچیلمز
بو بولاغلار کیمه لازیم
یاماجیندا یالاواج
قوردلارا باخسون کی گوررسن
لشه خاطیر یاتیشبلار
دره لردن تپه لردن باخیشلار
کی بیلیلر بشرین یاتماقینین
دورماقینین وقتی هاچاندی
گونشین چیخماسی
آج قالماقا بیرحوکم زاماندی
بویاما چهره نی زهریله آماندی
.اول گونش تک گوزلیم.
پارلایاجاق سنده محببت.
وئره جک عشقوه قدرت
اولاجاقسان گوله دعوت
ائده جکلر سنه حورمت
بودو دونیاده سعادت.
گول آچان باخجالی باغلار
بیزه لازیم بیزه لازیم
بو یاناقلار بو دوداقلار
بوطبیعت لی باخیشلار بیزه لازیم
بیزه لازیمدی حجر
بیزه لازیمدی سارا
بیزه لازیم دئییل عشق اوسته قارا
کیمه لازیمدی زهرلی اوباخیشلار
قارا قاشلار قارا گوزلر
بزنیلمیش او یاناقلار
بئله سیما بئله زیبا کیمه لازیم
اوزو کینیله بویانمیش
باخیشدان نئچه قاریغیش
یئره دانمیش
بودو یالنیش بودو یالنیش
آجی زهریله بویانمیش
بو دوداغلار کیمه لازیم
اوزو گویچک سوزو قانلی
قان ایچینده بو اوزنلر
اوزونه کینه دوزنلر
بوگوزللر کیمه لازیم.کیمه لازیم.
یازیب حکمت نه یه لازیم
بودو شعریمده کی رازیم
مئله ییر قانلی بوغازیم!!!
کیمه لازیم ؟کیمه لازیم؟
شعر ✍محمد علی حکمتی
تمام شده
(زمان ایندی بیرزاماندی)
(چالادئییر گول اولمیشام)
آفتاهادان دیزقیران سو
آخیر دئییل سئل اولمیشام
(چاققال چیخارداغدا اولار)
(ایت قویروغون یالابولار)
به غیرت غیرتلی شعرین
قولو گلدیکجه تولازلار
اوز دردینه دوزه بیلمیر
دوست دیلینده سووزه بیلمیر
عشق ایچینده اوزه بیلمیر
هئچ بیلمیرم کیمدن کوسور
حکمت سوزو بالدان شیرین
ناحق دوقلاردان کوسوب
دوستوم اونا اول مشتری
پاکیزه امجئکدن سوزوب
بوینون قویوب اوز چیگنینه
فیلم اویناییر دوز دینینه
یوخسول پولیلان اینینه
پیراهنه کنعان تیکیب
آبان نودو پنج محمد علی حکمتی