بسمه تعالی
یاحسین سلام علیک
حسین مقامینه چاتدیر ،سلامیمی عسگر
دئنن کی بیر قوجا عاشیق، بوگون اولور پرپر
سفاریش ائتدی گلنده، جانین ائدم قوربان
آلام بوخستییه آغا ،بی چای قاشیق درمان
گئلنده کسدی قباقیم، منه دئدی شاعیر
حسینی آندا وئرهرسن، ابلفضل خاطیر
بویوک بیر ایستگی یوخدو حسین فاطیمه دن
صحت بدن لیگی قایتار. آغا بو دریادن
اوتانما آغلا حسینه دئنن بو دردی یاواش
او حکمت ائتدی جانین مالین سنه پشکاش
هیفدهم آبان ماه سال نودو پنج
نامه محمد علی حکمتی
به امام حسین ( ص )
یاخجیلیق
اله قئلم گوتورورم بو بیر درد
آغ اوزلری قارالدیرام بودا شرط
عزرائیل اوینایر منیمله هی نًرد
سوزوم حاقدی دیلیم آجی نیلیم
هاردان تاپیم حاق دانیشان کیشی مرد
اوز اوزونو سالیب قارا گونله ره
ویجدانی آختاریر توشوب چولله ره
گوناهلی گوناهسیز آتدون سئلله ره
یامان گونلوک بیر جوت آغاج اکمه دون
آدون دوشه کولگه سینده دیللله ره
شعر✍ محمد علی حکمتی
هشتم آبان نودو پنج
وطن
گوزوم قالیب خیو چای یولوندا
قار گیدیرن ساوالانین دونوندا
یایلاقداکی کهلیک قاچان کولوندا
آتا یوردوم نصرآوانی یادا سال
من یاتمیشام آنا یوردون خولوندا
آتا یوردو سن داریخما آماندی
آنا یوردوم منه جاندی جاناندی
بیر گوزله منیم عشقیم جالاندی
کوکو مشگین آنا یوردو موغاندی
او موغاندا منله یانیر هاچاندی
هارا گئتدیم درد ده گلدی دالیمجاق
ال چئکمه رم دئدی دیلدن سالینجاق
سندن وارام ایاق یالین قالینجاق
هئچ قویمارام حکمت تنها قالاسان
منیم کیمی دردی دیلدن سالاسان
شعر ✍محمد علی حکمتی
آتا یوردوم داریخما
دامجیِلار
گوز یاشیمنان آخان دردلی دامجیلار
آخیب آخیب آخار چشمه اولارسیز
گوز یاشیمی آخیدارسیز باغلارا
یار باغینا یاشیل کولگه سالارسیز
بیر گون سورسا یار چشمه نین آدینی
دردلی بولاق دردسیز اولوب قالارسیز
گوز یاشیمدان یار ال اوزون یویاندا
یار اوزوندن منه اوپوش آلارسیز
هاچان گورسووز یار گوزلری آغلاییر
گوز یاشینی یاقیندان یالارسیز
ال ایاقین من بولاغا ساللاسا
یورقونلوقون دردو غمین آلارسیز
یار کووره لیب من سوگیدن سوز آچسا
من حکمت ام یار یار دئییب آغلارسیز
هیفدهم آبان سال نودو پنج
شعر ✍محمد علی حکمتی