یولداش

یولداش


ساخلییا بیلمئدون دوستلقی یولداش

وئردون اسراریمی یولدان کچئنه

نه قه در واریدی آرامیزدا سیر

پایلادون باخچادان باغدان کچئنه

سئویردیم من سنی بیر قارداش کیمی

خشلئدون سن منی چایدان کچئنه

دوستو بیر اللی تاپ بش اللی ساخلا

خشلئمه چرچییه داغدان کچئنه

آتی منی

آتی منی


نفسیم گلمه داھا نازلی یاریم آتی منی

چاغریب باشقاسینی اوزگلرہ ساتدی منی!

من گئدندہ یولوما باخمادی آغلاتدی منی

لعنت اولسون منه دونیا کیمه خاطیر یاشادیم

بیر عومور غم شئله سین  هانسی بیر عشقه داشیدیم

 فایداسی  یوخدو داها دونیادا اونسیز یاشییام

یارامین قاصناغینی هر گئجه گوندوز قاشییام

سئوگی سیز خسته جانی ایسته میرم من داشییام

لعنت اولسون منه دونیا کیمه خاطیر یاشادیم

بیر عومور غم شئله سین هانسی بیر عشقه داشیدیم

قریب سه میشم

قریب سه میشم


بو هانسی دونیادی دوستلار یامان قریب سه میشم

یوخومدو آختارانیم لاپ جاوان قریب سه میشم

منیده چک یانوا بیرجه لحظه منده گولوم

چال آوازی سه تاری نی چالان قریب سه میشم

بیرازدا اولسا سیزللاد سالیم یاری یادیما

قوی آغلاسین منه زیلدن کامان قریب سه میشم

گوزوم باخا باخا آلدی فلک اودوستلارمی

گوروم کوچوب هارا دوستلار زامان قریب سه میشم

سن اول من اول بازاری یوخدوسا دورار دونیا

بئله سرعت هارا دونیا دایان قریب سه میشم

هایاندا قالدی او گونلر قیز باجی اوغول قارداش

بو فانی دونیا یالان دی جاهان قریب سه میشم

قدیم آرابالار آلتدا اولاردی خیردا کشو

آتاق کشو دورا دونیا یالان قریب سه میشم

گولوش بو دونیادا بیر کسله ره حارام ساییلیر

اوکسله رین آدی شاعیر جانان قریب سه میشم

اولوم گلیب گئجه گوندوز کسیر منیم قاپیمی

دییرکی من سنه #حکمت#یامان قریب سه میشم

گل ایلمه منی روسوا شرفلی آل جانیمی

قایدما بیرده گه ری جان آلان قریب سه میشم

نه چیخار

نه چیخار


دردی درد اوسته اوغول هی قالاماغدان نه چیخار 

یارالی. یاره سینه  دوز جالاماغدان  نه چیخار

بیر ببیر عاقل و جاهیل شه هه ری ترک ائله ییر

بو داغیلمیش شه هه ری پارچالاماغدان نه چیخار

 محبتین حیانین خول بیداغی سیندیریلیر

بو شرافتلی کوکو بالتالاماغدان نه چیخار

اوزگه لر دارتدی آپاردی موغانین ثیروه تینی

بوش ریاست میزینی یرغالاماغدان نه چیخار

 اویانون شهریده بیر من قالیرام بیرده مئمی

من سنی سنده منی تاپدالاماغدان نه چیخار
 
 باخیرام شهریمه نرگیس تئپه دن کئنده دونوب

 کنده دونمیش شه هه ری شاققالاماغدان نه چیخار

 بئله گئت سه بیزه دستور یازاجاق کاتدا قولام

اوندا افسوسلاری هی چالخالاماغدان نه چیخار

بش جاواننان اوچونون مئشقئله سی قئلییاندی

سئرطان بارداغینی هی یالاماغدان نه چیخار

داراشیب شه ریمیزه شیشه کیرال بول هیرویین

بی تئفاوت دایانیب دالدالاماغدان نه چیخار

روشوتین بال کره سی کار الییب دی قولاغین

بو قولاغ سیز ریسی تاپدالاماغدان نه چیخار

گئل محبت یاراداق بئسدی  داها گینه کئدر

هی عدالت قاپیسین تاخدالاماغدان نه چیخار

حکمتا گئل چاغیراق حضرت ه زهرا بالاسین

دردی درد اوستونه هر گون قالاماغدان نه چیخار