حکمتلی سوزلر
محمد علی حکمتی
حکمتلی سوزلر
محمد علی حکمتیمحمد علی حکمتی
فرزند مغان علاقمند به وطن عاشق ایران((((ظلمه تسلیم اولمیانلار عشقه تسلیم اولدولار///جان بله عزتدی بیر تسلیمه قوربان کربلا )))حکمت
ادامه...
او قلبین کی عدالتدن یوخ خبری
توتوق قالسین آچیق قالسین نه اثری
وار اولسون اول قلبیلری وار هنری
ائل یولوندا چکئیر چکیب غم کئدری
ناحاق یازماز بیزیم شاعیر مئمد علی
۲۵آبان ۹۵
خیال
.........................
غمله کئدرله چالیشیردیم گئجه
ایهام ایچینده آلیشردیم گئجه
گاهی قویون گاه دلی شیردیم گئجه
چشمه لر آغزیندا یانیردی دوداق
یوخسولا یوخ دالداجاناق بیر اوتاق
......................
یوخسول آجینلان مئله ییر دینمه ییر
اربابی پول سیلکه له ییر گولمه ییر
ویجدان عذابیندا یانیر بیلمه ییر
دردو غمی یوخ ائشیدن بیر قولاق
یوخسولا یوخ دالداجاناق بیر اوتاق
.................
چوخ اولوگوردوم یئییراوزحالواسین
آدمی گوردوم گئزیر اوز حئواسین
تازه جاوان بیلمه دی اوز ماواسین
تلگیراما عاشیق اولوب چوخ اوشاق
یوخسولا یوخ دالداجاناق بیر اوتاق
...........
حکمت هارا ظولمت او یئرده قوناق
صبر ائله پایان اولاجاق بو فراق
نورلاناجاق سیزده ده حقدن چیراق
کاش قویا نادان باشینا دوز پاپاق
یوخسولا یوخ دالداجاناق بیر اوتاق
پنجم آبان ۹۵
. نه ایستیرسن
اوره کدن پارچالانمیش شاعیرم مندن نه ایستیرسن)
کوکومدن بالتالانمیش شاعیرم ، مندن نه ایستیر سن)
گونش آی اولدوزون نورون کسیب هی کولگه لر سالدین
باهاردا شاختالانمیش شاعیرم مندن نه ایستیر سن
سئویلمیشدیم سئویردیم سن منی سالدین گوزل گوزدن
ناحاق عشقی جالانمیش شاعیرم مندن نه ایستیرسن
اوره کده یاره می سایسان سایی عومرون گوندن چوخ
سیخیلمیش دالدالانمیش شاعیرم مندن نه ایستیرسن
آهیم دونیانی یاندیردی ولی افسوس گوره ن گوز یوخ
بلا ایچره تالانمیش شاعیرم مندن نه ایستیرسن
اینانمیرسان گل آچ قلبین کلید سیز صاندیقین یوخلا
فلاکَتله دولانمیش شاعیرم مندن نه ایستیرسن
بلا اولدو منه سیندان جانیم آهن چکیشلر غم
کَدرلردن قالانمیش شاعیرم مندن نه ایستیرسن
شیکنجه یله ایاقلاندیم زامانین حاخ سیز ایقیندا
ازلدن تاپدالانمیش شاعیرم مندن نه ایستیرسن
زمانه چوخ دبرتدی چیخمادی نامرده یاغ مندن
نچه ایل چالخالانمیش شاعرم مندن نه ایستیرسن
بو دونیا دردو غم داغین چکیب چارپاز سینم اوسته
اوره کدن پارچالانمیش شاعیرم مندن نه ایستیرسن
منه هئچ سوز بیان ائتمه منه عبرتدور اعمالون
قولاغداسیرقالانمیش شاعیرم مندن نه ایستورسن
یاغیر حکمت گوزوندن دردو غم آغلار یاغیشلار تک
آغیزدان تاخدالانمیش شاعیرم مندن نه ایستیر سن
محمد علی حکمتی
پنجم آذر ۹۵
آغلاما گوزلریم ...........
بیر عومور آغلادیم بختیمه پینهان
اوره گده یاراتدیم غملی بیر عمان
دونیادا عاشیق لر یانیب هر زامان
آغلاما گوزلریم آغلاشار گومان
تانیر گوز یاشیمی یارالی جانان
آرالی یاشاریق ایللردی گریان
توکر گوز یاشینی اولار پریشان
آغلاما گوزلریم آغلاما هر آن
عومرومو گونومو قوجالدان دونیا
قایتار محببتی اوجالیم سنده
ثیروتی قدُرتی اوجالدان دونیا
یاراد عدالتی قوجالیم سنده
دردیمدن دونیایه خریطه چکسن
بلکه ده دونیادان دردیم یکه دی
آرزیدان ایستکدن بیر قالا تیکسن
گوره رسن جننتیم ظولمت گئجه دی
آغلاما اوره ییم آغلاما گوزوم
گرک صبر ائده سن یارانا دوزوم
یئتیشسه دیل بیلن اینسانا سوزوم
قوربانام قلمین گوجونه اوزوم
مزاریم اوستونه گلمه سن غملی
اولسم ده ینه ده سئوجم سنی
آند اولسون سئوگییه محمد علی
سئویرم سوروشسا دییه جم سنی
چک باغلا عشقینین بیخجاسین حکمت
عومرنین چیراغی کچه کچده دی
ناکام آرزیلارا سن اوخو رحمت
ابدی دونیایه کوچه کوچده دی
#محمد علی حکمتی...
هشتم آذر ۹۵