حکمتلی سوزلر
محمد علی حکمتی
حکمتلی سوزلر
محمد علی حکمتیمحمد علی حکمتی
فرزند مغان علاقمند به وطن عاشق ایران((((ظلمه تسلیم اولمیانلار عشقه تسلیم اولدولار///جان بله عزتدی بیر تسلیمه قوربان کربلا )))حکمت
ادامه...
قلم...جشن قلم
بیلمیرم
قلم درتدن بیر پییاله سوزوم سوزمه ییم بیلمیرم
ائلین دردی آشیب داشیر دوزوم دوز مه ییم بیلمیرم
خزان اولان سئوگیمیزدن غزله کوینک تیکیرسن
خزل خزل سئوگیمیزدن بئزیم بئزمه ییم بیلمیرم
آنا وطن نه زاماندی قان آغلاییر لال دیلینه
یالانچیلار اولغومونو اوزوم اوزمه ییم بیلمیرم
ائل اوبانین تویلارینان یامان گلیر جازین سسی
بئله حالدا سازا آغیز بوزوم بوزمه ییم بیلمیرم
تپه لرده داغ اولدولار کسسکلر داشا دوندولر
کولونگ اولوم کسسکلری ازیم ازمه ییم بیلمیرم
ائلیمیزه آخان دردلر دنیز اولوب دالغالاندی
بو دالغالار ساحیلینده اوزوم اوزمه ییم بیلمیرم
پاپ جازینان کلاس قویسا گله جکده اولکه میزده
قلم بئله بیر کیلاسدا سوزوم سوزمه ییم بیلمیرم
حکمت شعری قالاجاق سا سن قلم ده من بیلمیرم
اوز دیلیمده دردلی غزل دوزوم دوز مه ییم بیلمیرم
مندن سورا گلن نسیل اوخویا بیلسین غزلی
پست مودرنی غزل شئعیر چوزوم چوزمه ییم بیلمیرم
محمدعلی_حکمتی
پانزدهم تیرماه
جشن قلم موبارک
یار قاداسین
آللاهین آدیلان
یار قاداسین
آغلار گوزنون یار قاداسین آل دئسه آللام
دردین جانیما هر گئجه آل سال دئسه ساللام
قاشلارین آراسینداکی میدانه جبینده
ایللر بویو باخ باخ منه آج قال دئسه قاللام
ائل باخجاسینین گوللری اولسون یارا پشکاش
سولموش گولونون بوته سی اول سول دئسه سوللام
عومرون باهاری، قیشلادی یارین فراغیندا
بیر گونده یوز اول گل قادامی آل دئسه آللام
مشق ائیله بو دونیاده منه چاتماغا خاطیر
مسچیده کیلیساده قاوال چال دئسه چاللام
دان اولدوزو تک صوبحه قه در یار گئشیگینده
دوررام آغاران ساچلاریمی یول دئسه یوللام
یارین اوره گی شاد اولا دونیاده همیشه
آغلار بولود اول درد و غمه دول دئسه دوللام
چوخداندی گوزوم یولدا قالیب یار دئییه حکمت
آغلار گوزومون دسمالی اول اول دئسه اوللام
محمدعلی_حکمتی
بیله سوار
شانزدهم تیرماه ۹۶
آتئنا بالانین عشقینده
بالا شیریندی
♦بیر قیزیم وار آتنا یاشدا
چکیب آللاه قلم قاشدا
راضی دئییل بیرجه داشدا
ایاغیما ده یه واللاه
هر گون سحر خبر آلیر
♦آتا" آتنا "هارا لی دیر
اونوندا من تکی عشقی
آناسی لان آتاسی دیر
دئییرم کی منیم بالام
محببت مال دئییر آلام
هر کسه آجی اولسامدا
سنه شیرین شکر بالام
اونوندا وار گول آناسی
محببتلی شیر آتاسی
♦آتنادا هیچ راضی دئییل
آغلار قالا ائل طایفاسی
نئجه تقدیر من بیل میرم
نئچه گوندو من گول میرم
♦آتنالارین آتاسینین
گوز یاشی حاخدی سیل میرم
محمدعلی_حکمتی
فی البداهه ۹۶//۴//۲
غزل.
سینه مده
یار ویران اوخ نه عزیزلنمه ده دی سینه مده
قورخورام گوز دئیه گیزلنمه ده دی سینه م ده
سانکی بیر قوش بالاسی آج یوواسیندا یالقیز
آج قالیب هر سسه سسلنمه ده دی سینه مده
هر زامان یار دیلیمه گلدی یارام دیللندی
نه ساغالدی نه ده اوزلنمه ده دی سینه مده
بیر باخیشلان سینه مه تاخدی بیر اوخ جانانیم
او بیر اوخ دردیله یوزلنمه ده دی سینه مده
بیر یارین دردینی اکدیم لالا تک قوینومدا
مین گوزل دردی دریزلنمه ده دی سینه مده
دونیانین هر گوزلین گوزلریمه توش ائت دیم
بیر آلا گوز کوزو کوزلنمه ده دی سینه مده
یار ویران یاره قانی آخدیقیجان جیسمیمده
سئوگینین دردی دنیزلنمه ده دی سینه مده
هئچ اوره گ آیریلا بیلمز کی اول عشقیندن
حکمتین عشقیده ایزلنمه ده دی سینه مده
بیست هشتم خرداد نودوشش
محمدعلی_حکمتی
بیله سوار