حکمتلی سوزلر
محمد علی حکمتی
حکمتلی سوزلر
محمد علی حکمتیمحمد علی حکمتی
فرزند مغان علاقمند به وطن عاشق ایران((((ظلمه تسلیم اولمیانلار عشقه تسلیم اولدولار///جان بله عزتدی بیر تسلیمه قوربان کربلا )))حکمت
ادامه...
وطن
گوزوم قالیب خیو چای یولوندا
قار گیدیرن ساوالانین دونوندا
یایلاقداکی کهلیک قاچان کولوندا
آتا یوردوم نصرآوانی یادا سال
من یاتمیشام آنا یوردون خولوندا
آتا یوردو سن داریخما آماندی
آنا یوردوم منه جاندی جاناندی
بیر گوزله منیم عشقیم جالاندی
کوکو مشگین آنا یوردو موغاندی
او موغاندا منله یانیر هاچاندی
هارا گئتدیم درد ده گلدی دالیمجاق
ال چئکمه رم دئدی دیلدن سالینجاق
سندن وارام ایاق یالین قالینجاق
هئچ قویمارام حکمت تنها قالاسان
منیم کیمی دردی دیلدن سالاسان
شعر ✍محمد علی حکمتی
آتا یوردوم داریخما
دامجیِلار
گوز یاشیمنان آخان دردلی دامجیلار
آخیب آخیب آخار چشمه اولارسیز
گوز یاشیمی آخیدارسیز باغلارا
یار باغینا یاشیل کولگه سالارسیز
بیر گون سورسا یار چشمه نین آدینی
دردلی بولاق دردسیز اولوب قالارسیز
گوز یاشیمدان یار ال اوزون یویاندا
یار اوزوندن منه اوپوش آلارسیز
هاچان گورسووز یار گوزلری آغلاییر
گوز یاشینی یاقیندان یالارسیز
ال ایاقین من بولاغا ساللاسا
یورقونلوقون دردو غمین آلارسیز
یار کووره لیب من سوگیدن سوز آچسا
من حکمت ام یار یار دئییب آغلارسیز
هیفدهم آبان سال نودو پنج
شعر ✍محمد علی حکمتی
⚘ گوزگو ⚘
گوزگو سوروشدو ده حکمت، کیم سنی گریان ائدیب؟
من دئدیم کونولوم ائوین، ایستگلی یار آباد ائدیب....
آه چکیب،گوستردی آغ توکلر گولوستانین گولوب؟
من دئدیم یار اللری ،باغ باخجامی شیمسشاد ائدیب....
شعر✍
طنز⚘
ناغل بیلن یوخدو ییغاق راز ائدک
سوزلرینین یاخجیسیلا باز ائدک
اللی یئدی پیکان آلاق مینمه گه
اوردگ اولاق گولده گیریب چینمه گه
زوزه چئکن کار قولاقی گیج باشی
ناغیل نئوا آنباری ائده ک گولمه گه
مش طالیبین تلفونونو یاد ائله
دایچایا سال زینقیرووی شاد ائله
کج اوتوراق دوز دانیشاق آی قاقاش
قویما دوشه شهریده دعوا دالاش
چوخدا بیلسوک آز دانیشاق آی کیشی
هر اوزومون سرسون اولار کیشمیشی
سوز قاناد آچسا اونا بل باغلاما
دوشسه آغیزدان آغیزا آغلاما
گل نصیحت یازماقی بیز ترک ائدک
یاخجی پیسی اوز ائویمیزده گئزک
داییره یه پرکاری چوخ آچامایاق
شاعیری تیر انداز ائدیب قاچمایاق
تلگیرامین هرزه سوزون توپلاییب
حافیظ آدیلان کانالا آتمایاق
سعدی سوزون هر یه تئنین آغزبنا
ساققیز ائدیب بیر لوماسین باسمایاق
واحیدی بو چینی کولرلر کیمین
جنرال آدیلان جاهانا ساتمایاق
سوز قوتاریب سا زیبینی چک بالا
دوز چوره گین پرده سین گوی قالا
داعشه باخسون کی گوره رسن بوگون
ایشلری دونیاده دوشوبدو دوگون
بی ادبین شخصییئتی یوخ داها
عشقه زولیخایه یئتیش گوی قالا
احتیرامون وارسا اگر شهریده
خاورینی پارک ائلمه طرحیده
کوسه آچا آغزینی دریاده گر
نازلی بالیغ های سالاجاق داده گل.
سعی ایله دونیاده بی رنگ اول اوغول
عشقیلی دریایه زیرنگ اول سوخول
دونیانی عشقیله دولان سن قولام
قویما موخالیف ساز اولام من چالام
هرکسه چاتجاق اونا سن وئر سالام
اولما ایلان میثلی چالان سن. بالام
حکمته عرض اندام ائده بیلمه روک
چکسه قئلم بیز هونرین گورمه روک
طنزه دوزوب ره سم چئکر گولمئلی
روسوا ائدر بیزلری مئممد علی
شعر✍ محمد علی حکمتی⚘
هشتم آبان ماه نودوپنج.
.
گورورم
شهریمین دردینی باغلار باخیشیندان گورورم
ائلیمین دردینی یاشلار آخیشیندان گورورم
موغانی هم قوجالار همده جاوان سئومه دیگین
ائولرین کوچه لرینن من ناخیشیندان گورورم
پولو بوردان قازانیر خیری وئریر اوزگه سینه
بو خیر وئرمه گی هر گون قاچیشیندان گورورم
قیرمیزی گوللری سولموش او یاشیل گولدانیمین
یاشیل اوغلانلارینین. باغ تاخیشیندان گورورم
شعریمی رنگیله بولمیش بو ناشی نققاشا باخ
هم سولون همده ساغین آختاریشیندان گورورم
باهالیقدان یارانان گوز یاشینی آخماقینی
بو بولانقی بولاغین سون چیخیشیندان گورورم
بیزیم اربابلاریمیز ال آچیق اوغلانلاریمیز
یوخسولون توخ باخیشیندان قاشیقیندان گورورم
شه هه ریمده داها یوخ بیردنه ده یولچو منیم
بول ایاقلارداکی ارزنده چاریقدان گورورم
نرگیسین ایقینین آلتیندا یاتان شهر یاشین
او دئییرمان داشینین کوهنه یاشیندان گورورم
دئییرم چوخدا اینانما بئله آلقیشلارا سن
ناغاریلا تارینین چال چالینیشدان گوروم
اوره گین یانقیسینین توسدوسون رنگی اولماز
حکمت. آلنینداکی قات قات قیرشیقدان گورورم
شعر✍محمد علی حکمتی
آبان نودو پنج
تقدیم ا ولسون ائلیمین غیرتلی اینسانلارینا