دونیاده منافیق لر اگر قول قولا وئرسه
بیر خیردا بسیجین هنرین گورسده بیلمز
مین داعش اولا ساتقین عربده اونا حامی
فهمیده لرین دیرناقینی اینجیده بیلمز
دونیا ییغیشا بمب اولا پرتاب ائده داعش
فهمیده لرین بیر توکونو دربئده بیلمز
آمریکییا اسرائیله سرباز اولا دونیا
ایرانه طرفه باش قولاقین دونده ره بیلمز
ایران صعئنتی چکدی اوروپالینی گتدی
علمین چراقین شیطان الی سوندوره بیلمز
فهمیده کیمین گولره کاش توپراق اولادیم
منده گول آچان آبانی هر گول گوره بیلمز
راهه شهدا راهه حسین ابن علی دی
بو عشقه یانان شعمی جاهان سوندوره بیلمز
کیم طالیب حقدی یولونو جایمایاجاقدی
فهمیده اوجاقین قرن اتم سوندوره بیلمز
ناحق یارانان بت لاری بیر گون سیناجاقدی
یوسف یولونو باده صبا چوندره بیلمز
حق سل کیمی دریایه آخیب یول تاپا جاقدی
داش آتماقینان کیمسه اونو دونده ره بیلمز
 
شعر از محمد علی حکمتی
تقدیم به فهمیده های ایران

بحر طویل .
             کیمه لازیم                  
آجی زهریله بویانمیش
بو دوداغلار.کیمه لازیم

دولو کینیله پاریلداق
بو یاناقلار  کیمه لازیم .

نئجه رسساملیق ائدیم
من بئله سیمایه بوگون.

یارادیم شعریله داغلار
 بئله داغلار کیمه لازیم .

بو داغین لاله سی گولمز
 بورا جیران سووا گلمز
بولاغیندان سو ایچیلمز

 بو بولاغلار کیمه لازیم

یاماجیندا یالاواج
 قوردلارا باخسون کی گوررسن

لشه خاطیر یاتیشبلار
 دره لردن تپه لردن باخیشلار

کی بیلیلر بشرین یاتماقینین
دورماقینین وقتی هاچاندی

گونشین چیخماسی
آج قالماقا بیرحوکم زاماندی

 بویاما چهره نی زهریله آماندی

.اول گونش تک گوزلیم.
 پارلایاجاق سنده محببت.

 وئره جک عشقوه قدرت
اولاجاقسان گوله دعوت
ائده جکلر سنه حورمت
بودو دونیاده سعادت.

گول آچان  باخجالی باغلار
 بیزه لازیم بیزه لازیم
  بو یاناقلار بو دوداقلار
 بوطبیعت لی باخیشلار بیزه لازیم

 بیزه لازیمدی حجر
بیزه لازیمدی سارا
بیزه لازیم دئییل عشق اوسته قارا
کیمه لازیمدی زهرلی اوباخیشلار
قارا قاشلار قارا گوزلر
 بزنیلمیش او یاناقلار 
بئله سیما بئله زیبا کیمه لازیم

اوزو کینیله بویانمیش
باخیشدان نئچه قاریغیش
یئره دانمیش
بودو یالنیش بودو یالنیش
آجی زهریله بویانمیش
بو دوداغلار کیمه لازیم

اوزو گویچک سوزو قانلی
قان ایچینده بو اوزنلر
اوزونه کینه دوزنلر
بوگوزللر کیمه لازیم.کیمه لازیم.

یازیب حکمت نه یه لازیم
بودو شعریمده کی رازیم
مئله ییر قانلی بوغازیم!!!
کیمه لازیم ؟کیمه لازیم؟

شعر ✍محمد علی حکمتی 

تمام شده
(زمان ایندی بیرزاماندی)
(چالادئییر گول اولمیشام)
آفتاهادان دیزقیران سو
آخیر دئییل سئل اولمیشام

(چاققال چیخارداغدا اولار)
(ایت قویروغون یالابولار)
به غیرت غیرتلی شعرین
قولو گلدیکجه تولازلار

اوز دردینه دوزه بیلمیر
دوست دیلینده سووزه بیلمیر
عشق ایچینده اوزه بیلمیر
هئچ بیلمیرم کیمدن کوسور

حکمت سوزو بالدان شیرین
ناحق دوقلاردان کوسوب
دوستوم اونا اول مشتری
پاکیزه امجئکدن سوزوب

بوینون قویوب اوز چیگنینه
فیلم اویناییر دوز دینینه
یوخسول پولیلان اینینه
پیراهنه کنعان تیکیب

آبان نودو پنج محمد علی حکمتی 

"                            قئلم؟
 نه زاماندی قئلمیم آغلاماغ ایستیر اولمور...
یاراما درد،لی دیوان باغلاماغ ایستیر اولمور..
هی چئکیر دالدایا تا اسرار آلا قلبیمدن..........
بو داغیلمیش اوره گی چاغلاماغ ایستیر اولمور
گاه ائلیم گاهدا دیلیم کونلومی ویران ائله ییر......
چوروین گولئریمی باغلاماغ ایستیر اولمور........
گئجه گوندوز آخیدیر دفتریمه درد و غئمی.......
منی تاریخ لر اوچون ساخلاماغ ایستیر اولمور..
یارامین قاسناقینی هی قاشیییر غملی قئلم ....
اویادیب خاطیره می باشلاماغ ایستیر اولمور...
عشقیمین بوخجاسینی هی گئجه گوندوز دارتیر.
دلبرین نازلی گوزون یاشلاماغ ایستیر اولمور.....
آنلایان وقته منی آنلامادی جانانیم..... .........
بو یالین ایغیمی باشماغلاماغ ایستیر اولمور...
منه بیر، قاره گونون، کوینه گینی گیدیردی......
ایندی آغ کونئگه یاشماغلاماغ ایستیر اولمور....
هی توکور دوز یاراما بلکه یارام گلدی دیله .......
 یارامین شیطانینی داشلاماغ ایستیر المور.......
نه یه لازیمدی باهار عومر باهاریم سولموش ...
قیشا دونمیش باهاری یایلاماغ ایستیر اولمور.
باهارین اللی بیرین ختم بخیر ایله میشم......
بیر باهار دفتریمی سایلاماغ ایستیر اولمور..
"حکمت" ی هی دیله توتدوم کی دییه اسرارین..
دئدی لا یخدی قئًلم داغلاماغ ایستیر اولمور......

غزل ؛قئلم ؛
یازان محمد علی حکمتی تخلوص حکمت
مهرماه نودوپنج

                   آنا دیلیم
دیلیم قالیب نئچه قوردون الینده آواره.....
چئکیر شیکنجه منیمده ائویمده بیچاره....
بیری کئسیر دیلیمی بیری ازیر ائلیمی......
عاغیل دئییر قالا بیلمز اورگده بو یاره.......
آنام دیلینده دانیش سن اولما یادیلا تانیش ..
ویجودینه یاغا گویدن مین اللی خونمپاره..
چال ای عاشیق منه سازدا گوزل بی روحانی.
دیلیم یئنه یاسا باتمیش ائلیم گئییب قاره.....
گیرو  قالیبدی دیلیم  هالولانیر اوره ییم....
آهای آهای دیله ییم سینیب بئلیم کوره ییم .
منیم دیلیمده دانیش.الوم سنیله تانیش....
وطن خایینلاری ساتیمیش سنی او اغیاره..
اینانمیرام نه سولا نه ساغ محببتینه .....
اولاردا قویدیلا چوپ دیل آلتدا رفتاره....
دوباره چالدی بیده ایلان چالان دیلیمی...
نه داردا باشیمه باخدی نه یاشلی بیماره...
الهی سن کومگ اول منیم آنا دیلیمه.....
سن ،حکمت،ین، قئلم ایله قیلاق اونا چاره...
بیر آرزو داردا قالیب صداسی آشینادی..
دایانما سس وئر آماندی دیلی اولوب یاره ....
تخلص.حکمت
شعر ✍.محمد علی حکمتی

دوم آبان ماه نودوپنج