گل گل

قادان آلیم به هاردیدون

سن ده منیم تک داردیدون

اولمیا یارلا بار دیدون

گل منه باش چک اولورم

 

هر سس گلدی دئدیم گلدون

آخان گوز یاشیمی سیلدون

اوره گده دردیمی بیلدون

گل منه باش چک اولورم


گوزلریم یولوندا قالیب 

قاش گوزمه گولگه سالیب

درد گولوشو گوزدن آلیب

گل منه باش چک اولورم


دردسیز اولمادی بیر گونوم

چکدیم عشقینده هی ظولوم

حکمت ی گل گولدور گولوم

گل منه باش چک اولورم

تقدیم به دوست عزیزیم  شاپور بیرامی

بیست دوم فرودین ۹۶


نظرات (0)
امکان ثبت نظر جدید برای این مطلب وجود ندارد.