قطعه لر

من بو دنیادا گورمئدیم گون اوزینی

چون قارندغدا کچیرتدیم گئجه می گوندوزیمی

اوز ألیمنن قبره قویدم اوزیمی

آچمادی بار الهی بیر گئجم گوندوزیمی

یار باخیشی

یار باخیشی


هر باخاندا باخیشیون قلبیمی ویران إلییر

منی گورجک قارا کیپریک  یئنه طوفان إلییر

او قارا کیپریگی اوخ تک دوزیب آماده إدییب

جانمی آلماغا جانان اوخا مهمان إلییر

کیپریگین هر بیر اوخینان  گوزیمی آل نیشانا

آتیلان هر بیر اوخا جان گوزی قربان إلییر

دئدیم انصاف إله سن گوزلری پشکاش إلئمه

ددی بو گوزدی یانان قلبیمی عطشان إلییر

جمع ادیب هر باخیشیینان  منه دریای غمی

او قارا کیپریگی اوخ تک. منی گریان إلییر

نه قدر من دوزه جم گوزلره صاحب من اولام

حکمت ین گوزلری یولدا اورگی قان إلییر

کاش کور اولایدی گوزیم

کاش کور اولایدی گوزیم

گوردوگیم اول گونی کاش کور اولایدی گوزیم

بو ایشیغلی دونیایا حسرت قالایدی گوزیم

سنون کیمی بی وفا یار جمالین گورمئک دن

گوزللیک لر حسرتین چکیب سولایدی گوزیم

اورگ اولوب بیر تورمه دولوب یار حسرتیله

دیله دییر سوس دینمه کاش یومولایدی گوزیم

ظاهرده دردسیز آدام دریای دردم اوزوم

ایناندم سئودایه من حالیم قولایدی گوزوم

حسرت بوکوب به لیمی قددیم کمان تک اولوب

آنادان اولدوغوم گون کاش توتولایدی گوزوم

عمری فدا إیلدیم بیــر بـی وفا یولونـدا

قالدی حکمت یارالی کاش اودلانایدی گوزوم

یئنه ده شهریمین دردی

یئنه ده شهریمین دردی


یئنه ده بیله سوار دردی منی دنگ إلدی

چهرۀ شهری گوروب ناله و نیرنگ إلدی
صوبه جک آغلادی قلبیم منیله جنگ إلدی

گون به گون ویران اولیر شهریمیزین کوچه لری
گوره سن شهریمیز الله هاچان آباد اولاجاغ

سنی گورجک شهریم دیل توتولیر  اوز اوزینه
دیه بیلمیر سوزونی جیرماغ آتیر اوز اوزینه
قوشیلیر کیپریگه گوز یاش چیلییر اوز اوزینه

گجه لر جنگ إلییر صوبحه قدر دیل له اورگ
گوره سن شهریمیز الله هاچان آباد اولاجاغ

ددی یوخ سیزده چخار شهریمی آباد إده سوز
مردومئن قلبینی لاأقل بی دفعه شاد إده سوز
خسته لیکدن بو یانان جیسمیمی آزاد إده سوز

باخاسوز کچمیشیمه تاریخینی یاد إده سوز
گوره سن شهریمیز الله هاچان آباد اولاجاغ

یوخ حاج قربانعلی وئر دیه وئردان گوجلی
مالیات خمس و زکات جملییه یوخدان گوجلی
بو یانان شهریمیزه یار اولا داغدان گوجلی

هر اداره ده سه یئر وقف إده پولسیز شهره
گوره سن شهریمیز الله هاچان آباد اولاجاغ

یادوا دوشسه رأیی سن هچه ساتدون تویوغا
چونکی یوخدو حاج قربانعلی دوش سین قاباغا 
چکسین آخساقال علی ماهری گلسین قاباغا

قوی ماسین شهر ساتیل سین خیارا یا تویوغا
گوره سن شهریمیز الله هاچان آباد اولاجاغ

شهریده بیر چالالار وار گیریب گیزدن مئگ اولار
سو توکوب خیرداجا استخر إلییب چین مئگ اولار
هر مسافر ده سه حمام چالا گورست مئگ اولار

ایسته سه شهردار، حکمت بیر حمام تیک مئگ اولار
گوره سن شهریمیز الله هاچان آباد اولاجاغ

حیف از این ریش سفیدان        
بخصوص مرحوم حاج قربانعلی حامدی

شاعیر چکیر داد هارای

شاعیر چکیر داد هارای

ایلک عشقیننن شاعیر چکیر داد هارای

قورورغا تک یاشی توکیر داد هارای

اوره گ درددَن غم دریاسی یارادیب

گوز یاشلاری عمری سوکیر داد هارای

بیر دنیز یارادیب دالغاسی درد غم

من اولیرم یار گول اکیر داد هارای

اورگده یئر سالیب یاتیب مثله آی

دیزده یوخدو طاقت چوکیر داد هارای

عمیر چاتیب اوچیریما آ دوستلار

کچمیشینه او آغلیر هوکیر هوکیر داد هارای

بسدی حکمت چکدون هارای کورَلتدون

شاد غزل یاز دوستلار چکیر داد هارای