بی وفا دوست

بی وفا دوست

بو دنیادا یاریمادم دوستیدان

گول مئدی اصلا بو اوزویم دوستیدان

شاکی همیشه بو جانیم دنیادا

اولمادیم آسوده یاندیم دوستیدان

هر کسه آچدیم اورگین سیرینی

اولدی پشیمان اورگیم دوستیدان

ظاهری دوست دالدادا افعی ایلان

آلدی بی ضربه کورگیم دوستیدان

هر وقت الیم دوشدی دارا دنیادا

ضربه نی من چوخلی یدیم دوستیدان

بیر کمگین یا چورگین دادمادیم

ناسزا سوزلر اشیدیم دوستیدان

دئیر دیلر دنیا مالی شیریندی

شیطان زیرک من زوریشدیم دوستیدان

زمان چکدی نقشه شیطان الینن

یاددان چخان بی دردیمی بیرده اشیددیم دوستیدان

حکمت ین قلبینه بیر اوت قالادون

سون میئجک دنیا بویی یاوا یاندیم دوستیدان   

آنا جان

آنا جان

اوتیغون یئره باخیرام

بوش قالب آنا یانیرام

تقدیر بئلیمیش قانیرام

آلشیب یانیر بو اورگ

سن سیز دوزنمیر بو اورگ

تنها قالانمیر بو جانیم

کوسیب سئونمیر بو جانیم

گئجه لر یاتمیر بو جانیم

دیانیب وئرمیر بو اورگ

سن سیز دوزنمیر بو اورگ

دنیا یالانیمش آنا

امتحان آلانیمش آنا

محبت قالانیمش آنا

الدن وئردی سنی اورگ

سن سیز دوزنمیر بو اورگ

سالدون یامان درده منی

تنها گویدون اِلده منی

خسته اِلدون بیر ده منی

آناسز یاشاماز بو اورگ

سن سیز دوزنمیر بو اورگ

آناجان گئل گوریم بیرده

گیر یوخیما جانیم بیرده

گوی دوینجاغ اوپیم بیرده

چیرپینماسین گولسون اورگ

سن سیز دوزنمیر بو اورگ

الله بیلیر جانیم سن سن

وجودیم هم قانیم سن سن

شهرتیم شرفیم سن سن

سن کوچئنن یانیر اورگ

سن سیز دوزنمیر بو اورگ

اوین نوری سنن گئدیب

برکت ده بیزدن کوسیب

حکمت ین دنیاسی کوچیب

دنیا بویی آغلار اورگ

سن سیز دوزنمیر بو اورگ

قربانام (مناسبت عشایر)

قربانام (مناسبت عشایر)

عشایرین شرفینه قیرتینه قربانام

الرینین قابارینا زحمتینه قربانام

داماردا گزدیردیگی قیرتلی قان

چَپَئردَکی قوزسینا چَپیشینه قربانام

نهرییه باغلا آنا گوز مینجغی

بدنظردن اوزاغ اولسین کره سینه قربانام

جئجیم گیلیم فرشی میزی توخیان

زحمت چکن آنالارین الرینه قربانام

جهره نهره ، اَلداشینی ساخلیان

عشایرین همتینه وحدتینه قربانام

بیر الینده تاتار کَهر آت اوسته

وطنیمین کشیگینی چکمگینه قربانام

آتالارون کیمی قوری وطنی

عشایر قارداشلارمین بیرلیگینه قربانام

ساوالان تک عشایرین یایلاغی

قوتورسوئی شابیلمین چشمه سینه قربانام

قوزیسی تاملی دی جیران اتینن

کره سینه قایماغنا پندیرینه قربانام

حکمت ام من گتیر میشم جشنواریه تبریک

ائل اوبا عشایرین عزتینه قربانام

ادب اوجاغنان گتیرمیشم من سلام

ایرانیمین وطنیمین پرچمینه قربانام

نه بیلیم

نه بیلیم

دنیانین بیر بئله دوری اولاجاغمش نه بیلیم
اوباما ایت کیمی ، انسان قاپاجاغمش نه بیلیم
 
عراقا گیردی او آزادی آدینان نفت ده
نفتی غارت اِلییب هی ساتاجاغمش نه بیلیم
 
ایرانی گونده او دعوت الییر اجلاسه
دولاشیب تازه بی تحریم یازاجاغمش نه بیلیم
 
عربستان شاهی اسلامه بویوک مار اولدی
بو ایلان نسلینی سانجیب قیراجاغمش نه بیلیم
 
بو یوخون قونشمز الهام بیزی ساتدی دلارا
اودا آمریکیا تزآلاناجاغمش نه بیلیم
 
داعشین اسلحه سین دولدران اسرائیلدی
اونی تحریک الییب فشقراجاغمش نه بیلیم
 
یَمَن ده قردی فهد مدرسه اوشاغلارینی
بیزدره قارداش دییب قان سالاجاغمش نه بیلیم
 
یَمَنین جماعتین آتشه چکدی بو فهد
میلتین باشنا بمب یاغدراجاغمش نه بیلیم
 
حکمت ی ، دنیانی پیل ائلیجَک ویرانه
او عدالت کاخی ویران اولاجاغمش نه بیلیم

سرنوشت

شانسما تقدیریمه بی دنیا نالانم فلک
شانسم  اصلا گلمدی حالیمه گریانم فلک
کاش اولیدی خبریم ذره گناهمنان منیم
ایلیردیم فوری توبا چونکی پشمانم فلک
هر ایشه ال گویرام یوخدی الیمده برکت
وئر منه سن برکت، منکی مسلمانم فلک
بیر جهنم من یاراتدم آتشه دوزخ کیمی
حاضرم دوزیم طب و تابه که سوزانم فلک
حضرت یوسفی قایتاردون گوزل دنیایه سن
من دنیزلر چشمه لر ایچره لب عطشانم فلک
القرض نه بخت نه اقبالیم منه یار اولمادی
عمر کچمیش بخت یاتمش مرگه مهمانم فلک
حکمت ، آلاندی ایناندی دنیادا اوز شانسینا
شانس طالع بیر سراب ایمانه قربانم فلک