حکمتلی سوزلر
محمد علی حکمتی
حکمتلی سوزلر
محمد علی حکمتیمحمد علی حکمتی
فرزند مغان علاقمند به وطن عاشق ایران((((ظلمه تسلیم اولمیانلار عشقه تسلیم اولدولار///جان بله عزتدی بیر تسلیمه قوربان کربلا )))حکمت
ادامه...
یار قاداسین
آللاهین آدیلان
یار قاداسین
آغلار گوزنون یار قاداسین آل دئسه آللام
دردین جانیما هر گئجه آل سال دئسه ساللام
قاشلارین آراسینداکی میدانه جبینده
ایللر بویو باخ باخ منه آج قال دئسه قاللام
ائل باخجاسینین گوللری اولسون یارا پشکاش
سولموش گولونون بوته سی اول سول دئسه سوللام
عومرون باهاری، قیشلادی یارین فراغیندا
بیر گونده یوز اول گل قادامی آل دئسه آللام
مشق ائیله بو دونیاده منه چاتماغا خاطیر
مسچیده کیلیساده قاوال چال دئسه چاللام
دان اولدوزو تک صوبحه قه در یار گئشیگینده
دوررام آغاران ساچلاریمی یول دئسه یوللام
یارین اوره گی شاد اولا دونیاده همیشه
آغلار بولود اول درد و غمه دول دئسه دوللام
چوخداندی گوزوم یولدا قالیب یار دئییه حکمت
آغلار گوزومون دسمالی اول اول دئسه اوللام
محمدعلی_حکمتی
بیله سوار
شانزدهم تیرماه ۹۶
آتئنا بالانین عشقینده
بالا شیریندی
♦بیر قیزیم وار آتنا یاشدا
چکیب آللاه قلم قاشدا
راضی دئییل بیرجه داشدا
ایاغیما ده یه واللاه
هر گون سحر خبر آلیر
♦آتا" آتنا "هارا لی دیر
اونوندا من تکی عشقی
آناسی لان آتاسی دیر
دئییرم کی منیم بالام
محببت مال دئییر آلام
هر کسه آجی اولسامدا
سنه شیرین شکر بالام
اونوندا وار گول آناسی
محببتلی شیر آتاسی
♦آتنادا هیچ راضی دئییل
آغلار قالا ائل طایفاسی
نئجه تقدیر من بیل میرم
نئچه گوندو من گول میرم
♦آتنالارین آتاسینین
گوز یاشی حاخدی سیل میرم
محمدعلی_حکمتی
فی البداهه ۹۶//۴//۲
غزل.
سینه مده
یار ویران اوخ نه عزیزلنمه ده دی سینه مده
قورخورام گوز دئیه گیزلنمه ده دی سینه م ده
سانکی بیر قوش بالاسی آج یوواسیندا یالقیز
آج قالیب هر سسه سسلنمه ده دی سینه مده
هر زامان یار دیلیمه گلدی یارام دیللندی
نه ساغالدی نه ده اوزلنمه ده دی سینه مده
بیر باخیشلان سینه مه تاخدی بیر اوخ جانانیم
او بیر اوخ دردیله یوزلنمه ده دی سینه مده
بیر یارین دردینی اکدیم لالا تک قوینومدا
مین گوزل دردی دریزلنمه ده دی سینه مده
دونیانین هر گوزلین گوزلریمه توش ائت دیم
بیر آلا گوز کوزو کوزلنمه ده دی سینه مده
یار ویران یاره قانی آخدیقیجان جیسمیمده
سئوگینین دردی دنیزلنمه ده دی سینه مده
هئچ اوره گ آیریلا بیلمز کی اول عشقیندن
حکمتین عشقیده ایزلنمه ده دی سینه مده
بیست هشتم خرداد نودوشش
محمدعلی_حکمتی
بیله سوار
نه یه گلدیم بو دونیایه نه یه من
بیر اوره گ گولدوره بیلمییه جکدیم
نه یه گلدیم بو دونیایه نه یه من
اینسان اولوب درده دئیمییه جکدیم
نه یه گلدیم بو دونیایه نه یه من
سینیخ قلبی بیرده سیندیراجاغدیم
اینسان قیریب پیلله لر قوراجاغدیم
بالتا اولوب خول بوداغ قیراجاغدیم
نه یه گلدیم بو دونیایه نه یه من
چیبان اولوب گوز آلتدا چیخاجاغدیم
سئوگی لر دوهارین من ییخاجاغدیم
لیلی لر یاندیریب من یاخاجاغدیم
نه یه گلدیم بو دونیایه نه یه من
موکافات خطرینه جان آلاجاغدیم
بوهتانی توللاییب قان سالاجاغدیم
گئجه لر شیطانلا من قالاجاغدیم
نه یه گلدیم بو دونیایه نه یه من
آغ والیدین اولاجاغدیم دونیادا
قیزل گول تک سولاجاغدیم دونیادا
حاققین ساچین یولاجاغدیم دونیادا
نه یه گلدیم بو دونیایه نه یه من
نه خئییره یارادیم نه دکی شئره
هی بزک بزدیم دیشی یه نره
بوهتان سیز قویمادیم قالا بیردَره
نه یه گلدیم بو دونیایه نه یه من
حارام حالال قانمایاجاغدیمسا من
چیراغ اولوب یانمایاجاغدیمسا من
باختاورم سانمایاجاغدیمسا من
نه یه گلدیم بو دونیایه نه یه من
ایستینی سویوغو بیلمییه جکدیم
بیر یئتیم گوزنو سیلمییه جکدیم
حکمت لر آغلادیب گولمییه جکدیم
نه یه گلدیم بو دونیایه نه یه من
محمد علی حکمتی
بیله سوار
هیجدهم خرداد سال نود و شش
تقدیم به ریش سفیدان شهر
یاشادیم
دان اولدوزو گئجه دردین نه اولدوغون یاشادیم
بویوک بیر آیریلیقین قلبه دولدوغون یاشادیم
او سروی قامتی دونیا ییخیب گئدن زامانی
صفالی باخچامیزین سروی سولدوغون یاشادیم
بیزیمده باخچامیزین تک گولون یولاندا خزان
خاریندا گوزلرینین قانلا دولدوغون یاشادیم
باهارلی بیر سحرین واخلی پارلایان گونشی
چیخاندا آی بولود آلتدا بوغولدوغون یاشادیم
باهار چیچکلری سولدو پائییزلیق ائیله دیلر
پائییز باهار ساچینی هایلا یولدوغون یاشادیم
آغیر بیر آخشام آی اولدوز سنینله صوبح ائله دیم
بیر آیری دونیادا سروین دوغلودوغون یاشادیم
بو فانی دونیادا سعی ائت آدین قالیب یاشاسین
بو دونیا وارلیغی بوردا سویولدوغون یاشادیم
دَرنده دونیا باغیندان گوزل او سرویلری
ایشیغلی دونیانی بیر گون توتولدوغون یاشادیم
آتا آنا باجی قارداش فراغینه نه ائدیم
بو فانی دونیادا حکمت یورولدوغون یاشادیم
هشتم خرداد ماه سال نودو شش
محمدعلی_حکمتی