حکمتلی سوزلر
محمد علی حکمتی
حکمتلی سوزلر
محمد علی حکمتیمحمد علی حکمتی
فرزند مغان علاقمند به وطن عاشق ایران((((ظلمه تسلیم اولمیانلار عشقه تسلیم اولدولار///جان بله عزتدی بیر تسلیمه قوربان کربلا )))حکمت
ادامه...
آللاهین آدیلان..........
تقدیم به شورای منتخب بیله سوار جناب آقای یاور سجودی و طرفداران عزیز
پیروزی موبارک
اتحاف به سجودی عزیز
خالقین گوجو
ائل منه سس وئریب ائله باغلییام
سس وئره ن خالقیما من آدآغلییام
سئویرم خالقیمی خالقین اوغلییام
بیله سوار بالاسی بیله سوارلییام
ائلین وارلیغیننان دوران قوچاغام
ناخلف قولاغین کسن پیچاغام
عدالت عشقینده یانان چیراغام
ائل منه سس وئریب ائله باغلییام
بیله سوار بالاسی بیله سوارلییام
وطن چشمه سینن جوشان سئل منم
ائلین سماسیندا اَسن یئل منم
آزریبایجانام اصیل ائل منم
ائل منه سس وئریب ائله باغلییام
بیله سوار بالاسی بیله سوارلییام
او زرخیز دئییلن تورپاغدانام من
شرفلی شوهرتلی یایلاغدانام من
دوشمان ائیغین ازن چایلاغدانام من
ائل منه سس وئریب ائله باغلییام
بیله سوار بالاسی بیله سوارلییام
وطن سماسیندا اوچان قارتالام
ائلین شادلیغیندا یانان تونقالام
جاوان جاوان قوجالان آغ ساققالام
ائل منه سس وئریب ائله باغلییام
بیله سوار بالاسی بیله سوارلییام
گوزونو سئومیرسن خالقیما خور باخ
چیخاردیم گوزنو خالقینا کور باخ
خالقیمین گوجویم خالقیما دور باخ
ائل منه سس وئریب ائله باغلییام
بیله سوار بالاسی بیله سوارلییام
خالقیمین زحمتین وئرمه رم بادا
میللتین هیمئتین ساتمارام یادا
حکمتم هئله لیک خالقیم الویدا
ائل منه سس وئریب ائله باغلییام
بیله سوار بالاسی بیله سوارلییام
بیست و نهم اردیبهشت ۹۶
محمدعلی_حکمتی
هانکی زاماندی
یوخسول ناچار قالیب بوره یین ساتیر
الهی بو زامان هانکی زاماندیبالیغ دا دریادا بوغولور باتیر
الهی بو زامان هانکی زاماندی
میللتی گئتیریب زارا یالانچی
یوخسولا هی ویریب یارا یالانچی
باشدیکی هی چکیب دارا یالانچی
الهی بو زامان هانکی زاماندی
درد گوزومدن اوره گیمه ساللانیر
ناحاق ناحاق یاشیل باشلار داللانیر
بیر تیکه چوره گه یوخسول آللانیر
الهی بو زامان هانکی زاماندی
میللت ائدیر گئجه گوندوز حَرَکَت
داها یوخدو پولوموزدا بَرَکَت
نه شه هردی نه قصئبه نه ده کت
الهی بو زامان هانکی زاماندی
وار یوخوموز بوگون تالانماقدادی
قیز گلین هایاسی جالانماقدادی
درد قم اوستوموزه قالانماقدادی
الهی بو زامان هانکی زاماندی
تولکولر شیر اولوب قاراغالار قارتال
کنده ایت دارشیب شه هره چاققال
بیزی اوتوب کئچیب زامبیا سینگال
الهی بو زامان هانکی زاماندی
آغ گونه چیخمادوق قارادا ایتدی
دردی آختاریردوق چارادا ایتدی
حکمتین چایدان سارادا ایتدی
الهی بو زامان هانکی زاماندی
پنجم بهمن ماه ۹۶
محمد علی حکمتی
آللاهین آدیلان.............
بیلمیرم باش بیله نیم یوخدو منیم
یا بیلن وار سُوره نیم یوخدو منیم
نئچه ایلدیرکی دولانمیر چارخیم
هاممی کوردو گوره نیم یوخدو منیم
یا زیرنگ اوغرولاریم چوخدو منیم
...........
بیلمیرم خسته لیگیم هارداندی
اوزگه اللرده دی یا یارداندی
ساوالاندا آغاران قارداندی
ایستیرم عرضه یازام شهرییارا
ساوالانتان بیر اوووج قار بیزه آلا
............
بیلمیرم دردیمی کیم درمان ائدر
بو آراز چای سینه می عُمان ائدر
سرباز اولمیش شه هری سروان ائدر
سس وئرون سروانی سرهنگ ائله یک
بو داغیلمیش شه هه ری هنگ ائله یک
............
بیلمیرم شهره یانار هانسی کیشی
سئچسه گ آللاها توکول بئشینی
ایقتیصاد چرخی تاپار گردیشینی
بلکه ده آچدی چیچکلر بو باهار
موستقیل اولدو بیزیم بیله سوار
............
بی تفاووت دایانیب باخما اوغول
شه هری ییخدی خبرچیله چوغول
من ان الحقم اینان حققه دوغول
گویما آیلار یئرین اولدوز توتسون
گونشین ایستی جانی بیز توتسون
................
ریشه یه گوللر سولوللار بی دلیل
سولدوران اللر گوروم اولسون زلیل
آغ داشی کیم ایدی ناحاق اردبیل؟
هرکسین واردیر کسی پُست اوسته دی
مظلوما چوخداندی یوللار بسته دی
...............
گئت به گئت حجب وحیا ایتمگده دی
پایه ئه ظلوم و ستم بیتمگده دی
بعُضی پستلاردا بوگون خوتمگده دی
ناروا ناحق توخوم سئپسگ بئله
آتمیشوق آینده نی الدن سئله
...............
خالی یئر گورجک چیخارتما تومجاری
سئپمه استیقلال آدیلان شوم داری
گل قوجالتما ایری یوللاردا یاری
توکمه سه آلله یاغیشیلا قاری
آند اولا آللاهه بیتمز بیر داری
..............
هر نه قدر سسلر سسه وابسته دی
اوزگه کسلر شهریمیزده هسته دی
میللتون گوللر تک اون بش دسته دی
طیبق سابیق ایقتیصادون خسته دی
پارتی اولان کسلر رئیاست اوسته دی
..................
قانماز اول یا قان بو فانی دونیادا
ظولم ائله یا چات بو گون سن فریادا
عادیل اول یا عدلی یئه اول اژداها
بیل موسافیر خانه دیر دونیا آغا
فانی دونیاده اینانما یالتاغا
.....................
گر جیناه بازلیقلا گزسون حکمتی
دوُر ویرسون شهریده سن میللتی
انگین آغریتما اوزاتما صوحبئتی
یالوار آللاهه یانیر چولده زه می
آغلاسین بیر گون بولوطلار دیل غمی
............................
نهم اردیبهشت ۹۶
محمدعلی حکمتی
بیله سوار
................
آللاهین آدیلان
من هارا شورا هارا
آللاه محمد یا علی گئتدیم اولام شورا خلی
آباد اولا یا اولمایا پولدار اولام میثلی ولی
مندن قاباق کی شورالار جارو چکیبلر ثیروته
صندوقدا یوخدو بیر قیران بیز خرج ائده ک بو میللته
بیر مصلحت سن گور منه تدبیر اعلا قیل منه
هم شهریمه شورا اولوم هم منفعت گلسین سنه
جین نی چیغیرغان قارداشین چاتسین بو شوراده پولا
ائتسین هدییه زانتینا پیکان سورن مسئوللارا
دورد ایلده قیرخ ایل شهریمی سالسامدا من عمدن دالا
یئدی آرخادان دونموش قوهوم قارداشی چاتدیرام پولا
انگوشت نما اوللام اوغول شوراده آزربایجانا
فنه فنونه پیل یه مک هر یئرده وار گللم کارا
دعوت ائده لر بیر ببیر فرماندارا اوستاندارا
اوندا گوره رسن شوهرتیم یاغدیردی یئرگویدن پارا
بش آلتی نوخبه جم له ییب وئررام کاناله ایتداحاد
تعدادی آرتیررام مینه اوز نفع ایمه اولسون جاهاد
گونده بی جور فیلم اوینییاخ گل یوخسولو بیز سویمییاخ
.سویسوخ سویاخ بیت اولمالی یوز ایل یه مکدن دویمییاخ
بیر شاعیری دعوت ائده ک هر گون سوخنرانیلره
شاعیر قاتا میللت باشین واخت آز قالا تا بیزلره
احسن لری شاعیر آلا بای بای ائدم من میللته
گومراه ائدم من خالقیمی چیخسام چاتام من دولته
چنتمده یوخدو بیر سوزوم دریایی علم ایچره اوزوم
طرح و سیاستله یازیب خالقا سوزو بال تک سوزوم
جم له گوروم شوم نقشه نی آی مش خلی شورا غنی
بیزدن مگر شورا اولار قارغ ائتمیشیک بیر عیدده نی
دوزدو آزادلیق وار بیراز سن قیلما هر یئرده ناماز
قصب و اوغورلوق مولک چوخ مچیدده آل سن دستماز
هر کس یارانمیش بیر ایشه دونیا توشه دوز گردیشه
شاهماته دونیانی نه قه در کج قورموشوق دوشمز ایشه
میزه ریاست قالمادی آلدی اله بیگانه لر
اولدو موهاجیر رئییس آخدی چوله سرمایه لر
اینسانلارین یوزدن بیری جئنت مکان ایچره گزیر
دوخسان منیلن دوققوزون دونیا ناحاخ هر گون ازیر
یوخسوللار عومرون وارلیلار پولنان آلیر اوراق ائدیر
اعضاسین عضوین عضو ائدیب اینسان کیمی راحت گزیر
بئبله نصیحتدن سورا ساتما رای سن اوغرویا
شمشیره بورران جورلایا مظلوم بوغازین دوغرییا
شورا و شهر و شهردار سئچسه گ صداقتله خلی
سورماز بو شهرین قانینی سای سیز حساب سیز کار دلی
حکمت اوزاتما مثنوی یورما شئعیرله میللتی
سعی ائت قازان حوررییتی خالقیندان آل سن رحمئتی
چهارم اردیبهشت ۹۶
محمدعلی_حکمتی
بیله سوار.............
هارداسان
دوشموشم الدن ایاقدان گل نیگاریم هارداسان
بیر گونوم بیر ایل کئچیر گل نازلی یاریم هارداسان
گلمیر ایغیم جان دالیجان جاندا طاقت قالمییب
ترک ائدیر جان دونیاسین دار و نداریم هارداسان
سون بیر آرزوم تک سنی گورمکدی دونیاده گولوم
گل توکنسین گوزلریمدن اینتیظاریم هارداسان
قامتیندن دویمادیم دویماقدا اولماز سئوگیلیم
بو قیامت یا کی قامتدی چیناریم هارداسان
سن گئدن گوندن چیخان جان بیرده چیخماق ایستییر
گل دوباره آل بوجانی جان نیثاریم هارداسان
آلسادا دونیا الیمدن اوز قوماریله سنی
بیز ایکی روح بیرجه جاندا، جان جییاریم هارداسان
اول قدر جور و جفا ائتدی زمانه پیشمیشم
منده ایوب اولموشام صبر و قراریم هارداسان
سیم و زرله سن دئییشدین جننتی ماّوا میزی
من ایکی دونیایه وئرمم نوبهاریم هارداسان
سن منی ترک ائتدیگین گوندن ایتیب یوردوم یووام
گل منیم تک وارلیقیم گل گل ویقاریم گل هارداسان
خوش گونوم سندن گئدیب آغلار کئچیر حکمت گونو
گل چیچک لنسین باغیم باخجام باهاریم هارداسان
دوم اردیبهشت ۹۶
محمدعلی_حکمتی