حکمتلی سوزلر
محمد علی حکمتی
حکمتلی سوزلر
محمد علی حکمتیمحمد علی حکمتی
فرزند مغان علاقمند به وطن عاشق ایران((((ظلمه تسلیم اولمیانلار عشقه تسلیم اولدولار///جان بله عزتدی بیر تسلیمه قوربان کربلا )))حکمت
ادامه...
یاغیش
آزربایجان نئچه ایلدی یاسدادی
بیرده بیزی یاسا باتیرما یاغیش
آنا وطن درد ایچینده خسته دی
بیرده بیزی یاسا باتیرما یاغیش
یاغیرسان یاغ اورمونون گولونه
سئل اولورسان اول ارمنی ائلینه
دردی چاتما آزربایجان بئلینه
بیرده بیزی یاسا باتیرما یاغیش
سینمده دردیمی واراغلا یاغیش
درد کدر زمیسین اوراغلا یاغیش
بابکین ائلینه سن آغلا یاغیش
بیرده بیزی یاسا باتیرما یاغیش
رحمت اولوب باشیمیزا یاغاردین
داغ دره یه ایلدیرملا شاخاردین
بولاغ لاردان طراواتله آخاردین
بیرده بیزی یاسا باتیراما یاغیش
سن بیتیر ائلیمده لا لا بنووشه
حکمتین باغرینی قویما درد دئشه
سئل اولوب ائلیمه آخما کیم دئسه
بیرده بیزی یاسا باتیرما یاغیش
بیست و هفتم فروردین ۹۶
محمدعلی_حکمتی
بیله سوار
کیمین وار اوسته نفری
شمشیرینین وار کَسری
تک صندل دی بیر نفری
نه نالی وار نه یه هری
خان آرازی دلی کورو
آخیدسان اولماز اثری
اوستانیمین اوستانداری
اون ایلدی هئچ باخماز بری
تاریخیمی واراقلاسان
بیر قوجاقدی قوجاقلاسان
خائین لرین اوراقلاسان
اولار شهرستان شه هه ری
آدیم زرخیز اوزوم آجام
آغیللی باشا موحتاجام
اوزگه باشیندا من تاجام
من سیز آچیلماز سَحَری
خائین اللر کَسیلمه سه
ساتقین باشلار ازیلمه سه
آغ داش یولو چکیلمه سه
توکنمز ائل دردی سری
اود توتوب اودلانسا موغان
اردبیلدن اونماز گومان
موغاندا اودلانیر جیران
تهرانین یوخدی خبری
مظلوم سَسین ائشیدن یوخ
حاققین دارتیب ییین چوخ چوخ
شرافت اهلی اولسا توخ
چکمز ائلیم در به دری
کارکاسیبا یوخ بیر باخان
چورگینه پندیر یاخان
کشت صنعت ی چالیب چاپان
زامان ایچیردر زهری
"حکمت" کیمین وار آدامی
آجی چیخمیر بیر بادامی
بیر اششگ آل سور جادانی
نه نالی وار نه یه هری
پانزدهم فرودین ۹۶
محمد علی حکمتی
بیله سوار
گل گل
قادان آلیم به هاردیدون
سن ده منیم تک داردیدون
اولمیا یارلا بار دیدون
گل منه باش چک اولورم
هر سس گلدی دئدیم گلدون
آخان گوز یاشیمی سیلدون
اوره گده دردیمی بیلدون
گل منه باش چک اولورم
گوزلریم یولوندا قالیب
قاش گوزمه گولگه سالیب
درد گولوشو گوزدن آلیب
گل منه باش چک اولورم
دردسیز اولمادی بیر گونوم
چکدیم عشقینده هی ظولوم
حکمت ی گل گولدور گولوم
گل منه باش چک اولورم
تقدیم به دوست عزیزیم شاپور بیرامی
بیست دوم فرودین ۹۶
بیر سینیغ کشتینی قورخوزماق اولار طوفانان
شُعرا اهلینی شاعیر لری یوخ عیرفاننان
نئجه کی حافیظه تیمور کیشی لبیک دئدی
شعرا شعری یازار قیرمیزی الوان قاننان
او نسیمی تکی حاقین سسی وار بیزلرده
بیر ایکی بیت نه دی یازسا یازاز دیواننان
ترجومه ائتسم اگر قورانیمین دستورین
گوره جک سن کی بویورموش هادیر اول ایماننان
چال عاشیق چالدان عزیزیم یورولوب میللتیمیز
قیرامین صفحه سینی چوندر اوخود قورآننان
کیم سیاسی دی یازیر شئعره سیاسی شاعیر
یئری یوخدو قالا ایراندا چیخارد ایراننان
آند اولا حضرت عباسین اوزون قوللارینا
حکمتین وار قلمی قورخوسو یوخ ناداننان
من نه راشیدم عزیزیم نه دکی باشقالاری
کیشی تک آخیره چاتدیرام ایشی ساهماننان
شب پنجشنبه ساعت ۱۱و۳۰ دقیقه
گونده یوز دف ویریسان خنجر بیداد باشیما
ده گوروم شهریمیزه شاعیره دووران کیم اولار
کیم قلم آلدی اله قوللارینی کسدیردیک
بو گئدیشله بو شئعیر باغینه باغبان کیم اولار
شئعیرین باخجاسینی ائیله میشیک محکمه بیز
بئله بیر محکمه یه متهم اینسان کیم اولار
مین غزل مین شعیر القاب ائله یک شعر یازاق
اولماسا حورمتیمیز شعره غزلخوان کیم اولار
حکمت ی چوخدا دئیندیرمه حاجی گل واز کچ
ائله سه سکته اونون دردینه درمان کیم اولار
محمد علی حکمتی