حکمتلی سوزلر
محمد علی حکمتی
حکمتلی سوزلر
محمد علی حکمتیمحمد علی حکمتی
فرزند مغان علاقمند به وطن عاشق ایران((((ظلمه تسلیم اولمیانلار عشقه تسلیم اولدولار///جان بله عزتدی بیر تسلیمه قوربان کربلا )))حکمت
ادامه...
.
آند اولا آغ تویوغون سینه سینه
قارا هشدرخانین آغ فیله سینه
مانجاناقلا گله جکلر بیرگون
مسکن مهره باتانلار سسینه
قویروقون کچمه لیدی بیر گون اله
بنذیر ائل گوجی هر یئرده سئله
(گوزل ایسلامیمیزین محکمه سی
گئتیره ر بولبوله شیدانی دیله ) ( هاچان ؟ )
نه قدر چاقدی سنین روشوت آتین
مسکن مهر آدینا خالقی چاپین
قویون اسلام آدینی هر ایشوزه
همی بیت اولمالی هم نفتی ساتین
میللتین پوللارینا آلدی ماشین
رد ایتیرسین جناب آلدیردی قاشین
گئدیر آوروپانی گئزسین داداشین
قاییدان باش بوله روک داش قاشین
میلی وار حکمتینین گر ائو الا
قویماسین بانک لار آغزی سولانا
مللتین پوللارینی ثامن حجج
گؤرمه دوز بس نئجه آتدی قاوالا؟
بیستم فرودین ۹۶
محمدعلی حکمتی
عیبرت
ال اوزوب دونیادان گئدیر آداملار
الینی الیمدن اوزمه آی باجی
یاخجینی هم پیسی ازیر آداملار
الینی الیمدن اوزمه آی باجی
پیچاقدا دای کسیر اوز دسته سینی
پرستار اولدورور اوز خسته سینی
تارچی دا دای چالمیر شیکسته سینی
الینی الیمدن اوزمه آی باجی
کئچر گئدر آجی گونلر آی باجی
دورانا باخ گوز آلتیجاق قیقاجی
تکی اولما نامردلرین موحتاجی
الینی الیمدن اوزمه آی باجی
سندن منه مندن سنه دیین چوخ
قولاق آسما هرنه دئسه دئنن یوخ
مردمازار چئتین اولار شردن توخ
الینی الیمدن اوزمه آی باجی
بو دونیانی آلله خلق ائدیب جادا
بیر گونده بیر گوندو دونیادا یاشا
سال حکمتی اوگئگ قارداش تک یادا
الینی الیمدن اوزمه آی باجی
محمدعلی حکمتی
نوزدهم فرودین۹۶
باخیردی
یاریم بو گئجه چوخ منه دیققتله باخیردی
سالمیشدی یادا کچمیشی حسرتله باخیردی
شن گونلری بیر بیر کئچیریر گوز قاباقینان
دن دن آغاران ساچلارا حیرتله باخیردی
عومرون نئجه تز کچدیگین ائتمیشدی او تصویر
سیمام داکی دونیایه او نیفرتله باخیردی
گوز یاشینی گیزلتمیشدی سانکی اورگده
بیر ساختا گولوشله منه حورمتله باخیردی
هر باخدیقیجاق دونیامی ویران ائله ییردی
اوممیدوار ائدیب کونلونو شوکتله باخیردی
هر بیر باخیشینان منه مین درد آخیدیردی
پینهان ائله ییب درد غمی قودرتله باخیردی
جورئت له دایانمیشدی کی گوز ترله مئسینده
گوز یاشی دونوب قانه اذییتله باخیردی
یارب بو نه دونیادی کی هر لانه سی غمدی
من یاریمه یاریم منه سیرقتله باخیردی
ایستیردی دییه روز پدر بر تو مبارک
گلمیردی دیلی "حکمته" حکمتله باخیردی
روز پدر پیشاپیش مبارک
محمدعلی حکمتی
پانزدهم فروردین ۹۶
کیمین وار اوسته نفری شمشیرینین وار کَسری
تک صندل دی بیر نفری نه نالی وار نه یه هری
خان آرازی دلی کورو آخیدسان اولماز اثری
اوستانیمین اوستانداری اون ایلدی هئچ باخماز بری
تاریخیمی واراقلاسان بیر قوجاقدی قوجاقلاسان
خائین لرین اوراقلاسان اولار شهرستان شه هه ری
آدیم زرخیز اوزوم آجام آغیللی باشا موحتاجام
اوزگه باشیندا من تاجام من سیز آچیلماز سَحَری
خائین اللر کَسیلمه سه ساتقین باشلار ازیلمه سه
آغ داش یولو چکیلمه سه توکنمز ائل دردی سری
اود توتوب اودلانسا موغان اردبیلدن اونماز گومان
موغاندا اودلانیر جیران تهرانین یوخدی خبری
مظلوم سَسین ائشیدن یوخ حاققین دارتیب ییین چوخ چوخ
شرافت اهلی اولسا توخ چکمز ائلیم در به دری
کارکاسیبا یوخ بیر باخان چورگینه پندیر یاخان
کشت صنعت ی چالیب چاپان زامان ایچیردر زهری
"حکمت" کیمین وار آدامی آجی چیخمیر بیر بادامی
بیر اششگ آل سور جادانی نه نالی وار نه یه هری
پانزدهم فرودین ۹۶
محمد علی حکمتی
آللاهین آدیلان
قارداش
عیبرت
بیر هفته لیک آت دونیا مالین، داش قاشی قارداش
بایرام یئتیشیب ،یوخلا قوهوم قارداشی قارداش
ایللردی یئییرسن بالی یاغنان، گءجه گوندوز
بئش گونده باجی قارداشا وئر، سوتلی آشی قارداش
عومرون چاپیر آت ،سن سه قالیب سان دالا گریان
یازدیر آدینا بیر گیرانت ،باش داشی قارداش
دونیادن هاممی گئتمه لیدی یوخ بونا چاره
بیر بیر داشیییر، آغ قارا خوشگیل چاشی قارداش
آهن ده گئدیر ،میس ده گئدیر، آلمینییوم دا
اَلماس اولاراق قال، سن اوزوگلر قاشی قارداش
غم غوصه دن آیریل اوزونه بیر آباد ائو تیک
آباد ائوین آخیرده اولور پاداشی قارداش
دونیا مالینا هر گءجه گوندوز باشی ایدین
چاپدی سنی ،پول خطرینه هر بیرناشی قارداش
شئعریمده یازاندا او قیریق قارداشی قارداش
آه چکدی قلم ،یازماغا او اوباشی قارداش
قارداشدا اولوب چینی ماشینلار تکی گاه گیر
ضبطین آچیسان ،سو چیله ،ییر آبپاشی قارداش
قارداش باجینین حورمتی گئتدی او زامان کی
پیل اولدو باجی قارداشا گوز اویناشی قارداش
ایللردی گوزوم یولدادی قارداش گلر ایندی
نه گلدی، نه اولدو، منه بیر سیرداشی قارداش
دعوت ائله منده چیخاریم ،قارنیمی یاسدان
معده م تانیسین ،بیر گءجه لیک بوز باشی قارداش
یارب نه معممادی کی، قارداش قارا داشدی
وئرمیر هاوایی قارداشا بیر چومچه آشی قارداش
گل قارداشیم اول، بیرده قوراق کورسو اوجاقی
قالدی قورو یاندیردی بو دووران، یاشی قارداش
حکمت! جیبینه پول قویورام ،داغلاری سئیر ائت
بلکه ،سنی توخداتدی او داغ خاشخاشی قارداش
نوردهم اسفند ۹۵
محمد علی حکمتی